شاركي في النقاش

سجلي الدخول لإضافة تعليق.

التعليقات

1,889
  1. @leen33

    اخواتي الغاليات

    الله يجمعكم دوم على المحبه والخير


    انا عندي مشكله واحتاج منكم المساعده والنصيحه ولكم مني دعوات باخر الليل


    موضوعي باختصار عندي بنوته بالصف الثاني وبنتي مره حياويه<<<< طالعه على امها


    دخلت المدرسه وجلست شهر ونصف مايسمعون صوتها لدرجة ان الاستاذ سألني اذا عندها عقد من اشياء معينه وانا ماقدرت اقوله ان بنتي مشكلتها ماتبي رجال يدرسها


    المهم انحلت المشكله والبنت اخذت على المدرس وتعودت على المدرسه


    والحين نقلنا الى شقه ثانيه بنفس الحي لكني تفاجاءت ان المدرسه لازم تتغير لان لهم تقسيمات معينه


    وحده من جاراتي قالت ممكن تكتبين لمديرة المدرسه السابقه عذر مقنع تطلبين فيها ان بنتك تستمر في المدرسه وماتغيرها وممكن توافق والموضوع كله عند المديره



    انا ودي اخذ نصيحتكم وبنفس الوقت مساعدتكم


    ياترى كيف اصيغ خطاب او طلب مقنع؟؟


    والمساعده ياليت وحده تساعدني وتكتب لي الخطاب لان للحين لغتي رايحه فيها ولها مني ادعيلها

    ارجوكم التسجيل اخر الاسبوع وانا متوهقه
  2. @shrok_ana

    مساء الخير يابنات كيفكم
    انا ياطويلات العمر ابغى برنامج سياحي لواشنطن ونيويورك اتشرط بعد:)
    اهم الاماكن والاسواق ولا تطولون علي كلها يومين واسافر يالله ياطيبات الفال ردو علي الله يبلغكن رمضان بصحة وسلامة
  3. @basta

    اهليييييين بنات

    فيه احد راح لسانت لويس في ولاية مزوري

    ايش فيها اشياء حلوه

    كم تستاهل من يوم

    ايش المطاعم الحلوه

    والاماكن

    سويت بحث مالقيت

    الله يجزاكم خير
  4. @rymaryo

    شروق أنا
    مساء الخير يابنات كيفكم انا ياطويلات العمر ابغى برنامج سياحي لواشنطن ونيويورك اتشرط بعد:) اهم الاماكن والاسواق ولا تطولون علي كلها يومين واسافر يالله ياطيبات الفال ردو علي الله يبلغكن رمضان بصحة وسلامة
    امري يا طويله العمر
    انا بحط لك لسته اماكن بهالمدينتين وان شاء الله البنات يزيدوها

    عندك بواشنطن

    البيت الابيض..والاماكن اللي حواليه طبعا الكونجرس والحدايق اللي بجنبها احسن شي تروحو لها مشي

    وطبعا الاسواق فيه تايسون 1 وتايسون 2 وهذا يسموه سوق العرب فيه كثير عرب هناك

    وانا رحت بس لتايسون1 وكان حلو والله وفيه قريب من نفس المنطقه مطعم ايراني اسمه شمشيري واكله لذيذ

    ومرو على الملحقيه هههههههههه

    اما نيويورك.. منهاتن
    عندك اهم شي التايم سكوير لفلفي فيه لييين تدوخي
    والسنترال بارك
    وطبعا فيه المولات على شارع بس نسيت اسمه هو رقم بس ان شاء الله البنات يقولو لك عنه

    وكمان اطلعو لتمثال الحريه

    ومروعلى اهم شي العماره الطويله تسيت اسمها ياربي<<<< ما ادري وشوله اكتب دامني ناسيه
    اتوقع امبير ستيت او قريب منها
    وطبعا مرو على اليمن السعيد او حضر موت وخذو لكم مندي محترم وصلو بالمسجد اللي بجنبه

    واللحين ياعيوني جاني النوم بروح انام وبكره على خير اكمل لك اذا تذكرت شي

    ورحله سعيده ان شاء الله

    تصبحون على خير صبايا
  5. @rymaryo

    LEEN33
    اخواتي الغاليات الله يجمعكم دوم على المحبه والخير انا عندي مشكله واحتاج منكم المساعده والنصيحه ولكم مني دعوات باخر الليل موضوعي باختصار عندي بنوته بالصف الثاني وبنتي مره حياويه<<<< طالعه على امها دخلت المدرسه وجلست شهر ونصف مايسمعون…
    يا قلبي انتي والله لغتي على قدي ولا من عيوني اساعدك

    مالي الى اني ادعي لكم

    الله يسر لك يارب

تابعي تجارب أخرى من هذا القسم.