السلام عليكم ورحمة الله
شغالة بيت اهلي الإندونيسية جات قبل سنتين وشعرها لكتفها بالضبط وكان أسود وحلو وناعم
المهم كانت تطلب من امي زيت املا القديم اللي ريحته قويه وامي ترفض هذا الزيت بالذات وتقولها اطلبي اي زيت بس هذا ريحته شينه وامي كانت متوحمه عليه عاد هي زعلت وماعاد كررت الطلب
راحت امي اشترت لها كريم لأن ريحته اخف وهي تركته ماتستخدمه
طبعا خلال المده اللي هي كانت عندنا ماكنا ننتبه لطول شعرها لأنها لابسه حجاب على طول ولا نشم فيها اي شي
ماشفنا شعرها الا اول ماجات بس لأنها كانت تتجرأ شوي تغير منديل الشعر قدامنا
تخيلوا يابنات يوم جات بتروح تجمعنا عندها كلنا يالبنات علشان نودعها لأنها كانت كويسه معنا وتمسك عيالنا اذا رحنا اي مكان وهي اللي تفك المنديل تضبط شعرها وتربطه وتفاجأنا والله على ماأقول شهيد ان شعرها ذاك الأسود والناعم واصل الى تحت الركبه واحنا نطالع فيه ونذكر الله وهي مبسوطه ونسألها وش حطيتي عليه واحنا مانشم في شعرها شي ابد طول هالمده
تخيلوا وش قالت والله يابنات
ورتنا فنجال قهوه عندها دايم تعبيه زيت عافية بس وتدهن شعرها طول هالمده وسألناها من متى قالت من يوم جيت يعني من سنتين وقلنا وشلون الطريقه
قالت انها كلما جات بتتروش كل يوم او يومين تخليها على شعرها 4 ساعات
تخيلوا يابنات من كثر ماأعجبنا شعرها لأنه بالأساس حلو وزياده عليه الطول اللي مو طبيعي صورناها واحتفظنا بالصورة وهي مستانسه
عاد امي فطست من الضحك وقالت وانا أقول ااذا مالقينا زيت عافيه وجبنا غيره تقول رجعوه
عافيه أحسن زيت أثاريها تاخذه بالذات علشان تدهن شعرها
الزبده يابنات تدرون ليه زيت عافيه هو اللي يطول لأنه زيت نباتي طبيعي وتذكرت مواضيع كثيرة مطروحه بالنت عن استخدام هذا الزيت مع الحلبة المطحونه وانه كيف يطول الشعر بسرعه
بنات ادعوا لي بالتوفيق لأني أحس مانيب متوفقه بشي دايم وادعوا لولدي المصاب بالتوحد بالشفا
شاركي في النقاش
سجلي الدخول لإضافة تعليق.
التعليقات
56- السلام عليكم :)
بارك الله فيج عزيزتي على الإفادة
وتتهنى شغالتكم بشعرها إن شاء الله ...
وأسـأل الله العظيم ،،، رب العرش العظيم ،،، أن يشفي إبنج ممـا هو فيه ...
وأسأل الله لج التوفيق في كل أمور حياتج ... - الللللللللللله يشفي ابنك ياااااااااااااااااارب وصح زيت عافيه زوجة خالي تستخدمه شعرها كان لكتفها صار الحين لين نهاية ظهرها والله فله اجل بحط منه الحين تحياااااااااااااتي
- وأسـأل الله العظيم ،،، رب العرش العظيم ،،، أن يشفي إبنج ممـا هو فيه ...
وأسأل الله لج التوفيق في كل أمور حياتج ...
تسليمي حبيبتي - ماشاء الله
شكلي بجربه على شعري
واسال الله انه ييسر لك كل امور حياتك ويمن على ابنك وابني وجميع مرضى المسلمين بالشفاء والعافيه
عاجلا غير آجل - غادة
ونيدو
والمستقبل
ومههابه
الله يجعل لكم من كل ضيق فرجا يارب ويحفظ لكم كل عزيز وغالي يارب ويشفي لكم كل مريض يارب
مواضيع مشابهة
تابعي تجارب أخرى من هذا القسم.