جوابكن فيه أجر

السلام عليكم ، بعرفكن بنفسي عن جديد لاني مبسوطة كتير بوجودي بيناتكن ، اسمي سامية عمري 25 سنة ، بصراحة دورت منتديات كتييييري بس حبيت كتير ها المنتدى وصرت انطر تا كون بيناتكن، ميرسي كتير لكل للي رد عموضوعي ميرسي الكن كلكن عوجودكن بها المندى ، بكتب ها الموضوع وبتمنى من كل قلبي لقي زات الطيبة اللي تعودتا فيكن وتردوا عسؤالي بجواب يريح البي ، انا عمري 25 سنة وكان هيدا اول حمل إلي كنت حامل بشهرين ونص وكنت كتير مبسوطة وانا رايحة تا شوف شكل ابني قالتلي الحكيمي انو نبضو توقف ، ( الله يتبت حملكن ويعوضني ويعوض ويرزق كل محرومي ) عملت عملية التنظيف وزوجي كان مسافر ببلد تاني ، تالمت كتير من يلي صار لاني كنت تقريبا لحالي ، بس زوجي قواني ولو بصوتو وقدرت اصبر واحمد الله على كل شي ، انا عملت العملية 24-07-09 ورجع وزجي31-07-09 بعد العملية لمدة 7 ايام تقريبا نزلت قطرات دم ولما عملت الالترا ساوند بهيدي الفترة قلي الحكيم انو الرحم عندي نظيف وطلبلي تحاليل الجرتومة تا ما يصير متل ما صار بحملي الاول ، المهم ها التحاليل رح اعملها ببلدي لاني مسافرة بعد 12 يوم ، سؤالي اني بحب زوجي كتييييييير كتييير وهوي كمان وكنا مشتاقين لبعض لدرجي ولما رجع من السفر كنت نظيفة لانو قطرات الدم بعد عملية التنضيف خلصت مني ، المهم جامعنا بعض ( معاشرة زوجية ) بس هوي اخذ احتياط المهم من يوم اجا صارلو هلأ 4 ايام جامعنا بعض فيهن ، سؤالي هون ازا ما في خطر عليي من ها الشغلي لاني أثناء المعاشرة الزوجية بشعر بألم تحت بطني واوقات بحس بركلة من تحت ( المنطقة السفلى ) سؤالي التاني : قديش الفترة للي ممكن احبل فيها بعد عملية التنضيف انا سمعت انها 3 شهور جزاكم الله كل الخير واتم حملكن بسلام والله يعوضني ويعوض للي متلي ويرزق كل محرومي وما يوجع الب حدا بعزيز عقلبو ....... شكرا كتير .