وينكم يابنات الرياض احتاجكم ساعدوني....

السلام عليكم
شخباركم خواتي شمسوين
بنات الرياض او اي وحدة من المملكة العربية السعودية عندها رد يفيدني بكون شاكرة لكم ولتعاونكم وياي..
المهم انا اخر سنة ثانوي وان شاء الله بحصل بعثة من الوزارة بس محتارة اخذها هني بالبحرين ولا اسجلها بالسعودية .. بس اذا درست عندكم اضمن الوظيفة ومستقبلي وانا ناوية ادرس تربية خاصة اذا الله اراد فحابة اسالكم عن السكن في الرياض شلووون ..الجامعة ..المواصلات .. متى نقدر نطلع مثلا للسوق في ايام محددة لو اي وقت نبي نقدر؟؟ شلون عن طريقة الحجاب لازم نغطي الوجه لو عادي؟؟ تنصحوني ادرس في الرياض ..؟؟
اتمنى انكم تفيدوني لاني محتارة ومو عارفة شسوي
تحياتي لكم
اختكم شيطونة :27:

4 تعليق 456 مشاهدة

شاركي في النقاش

سجلي الدخول لإضافة تعليق.

التعليقات

4
  1. @sheery

    هلا شيطونة..اذا تبين الرياض أنا أعرف بنات جامعة من مدن ثانية لهم سكن خاص ..ولا اقولك انا ساكنة الرياض بعيد عن أهلي وأحس بالوحدة تعالي اسكني عندي اونسك وتونسيني
    ...ولكن انصحك بـ مدينة جدة لان غير السعوديين يتأقلموا فيها بسرعة
    عموما أذا خلاص عزمتي وحددتي قرارك انشالله بنساعدك وهلابك في السعودية والله يوفقك ويوفق الجميع وأحصل انا بعد مثلك على منحة .
  2. @shyton

    صاحبة الموضوع
    Sheery
    يسلموو خيو على الرد وان شاء الله تحصلين موفقة ان شاء الله
    شلون سكن الطالبات فيه نت وتليفونات؟؟انا سمعت ان مافي نت والي تبي تليفون تتصل من الشارع هل هالكلام صح ولا؟؟
    تحياتي
  3. ايوه ياقلبي صحيح الكلام
    بس فية عمائر الملكة ابراج الخالدية يسكنوا فيها بنات
    الجامعه على حسابهم
    الغرفه الاستوديو اظن انها ب1500 ريال
    وفيها كل شيء بس
    الموصلات عليك والاكل والشرب بعد عليك ياقلبي
    اللهم هم الكهرباء عليهم والماء
    وعليهم سكرتاريه وامن ومره فخمة تبع الطالبات
  4. @shyton

    صاحبة الموضوع
    مشكورة اختي طاطا بصطويسي..
    يعني عادي عندنا نت وتليفونات بالغرف؟؟
    واذا احنا بعثات من البحرين ما يتكفلون بمواصلاتنا شلون تصير علينا؟؟
    تحياتي لكم

تابعي تجارب أخرى من هذا القسم.