شاركي في النقاش

سجلي الدخول لإضافة تعليق.

التعليقات

34
  1. @baby_4

    والله ياقلبي الدهان مشكله نقعد شهر وشهرين نختار ونحتار في الالوان

    بس انا مع الاخت اللي تقول الساده ارقى واحلى ويتماشى مع الاثاث المودرن والكلاسيكي

    واحلى شي في الساده انو ماتملي منو

    طبعا تقدر تدخلي رسمات خفيفه او تخطيط

    بس ياليت تحددي المكان اللي بتغيريه عشان نفيدك اكتر
  2. @rnyn_alsmt

    وردة في القمة
    درجات البيج والله اعلم
    إذا تبغي الرأي اللي بإذن الله ما تندمي عليه مع الوقت
    السااااااااااااااااااااادة أحلي وعملي وما يقدم أبدا
    وطبعا جوتن ثم الجزيرة بلا منازع
    أنا توي خارجة من ترميم بيتي
    واخترت جوتن أغلب المنزل وبعض الألوان ما وجدتها في جوتن
    اخترتها من الجزيرة
    ونوعها زيتي نصف لمعة أفضل وقابله للمسح والتنظيف المستمر
    ممكن تغيري في المجالس لو حابة تخليها فلفت بس فيه بنات
    ندموا إنهم حطوه قالوا تروح الطبعات اللي فيه مع المسح وبعضهم قال تقشر
    أنا كان التغيير عندي في الألوان وكلها زيتي
    مثلا غرفة الأولاد خليت جدارين مقلم وجدارين سادة وطلعت روعة
    والبنات جدار غامق والباقي فاتح
    والصغيرات خليته لونين ثلث الجدار من تحت موف غامق
    والباقي وردي علشان أحط فيه استكرات ولوحات مناسبة لهم
    وانتي شوفي اللي يناسبك بس نصيحة مني
    انتبهي صار لنا موقف مع الدهان
    في البداية الدهان الأول كان شغله تمام وعمل معظم البيت من جوتن والجزيرة
    بس مرض أبوه وسافر وجاء واحد غيره
    لما اخترنا الألوان وأعطيناه الكاتلوج علشان يجيب نفس الرقم
    راح جابها من شركة غير الشركة اللي طلبنا بالرغم من تقارب
    الألوان من الألوان اللي طلبناها بس اللي شككنا فيه
    ريحة البويا كانت مرة قوية وهي غرفتين فقط مع إننا دهنا البيت
    كامل قبل كذا ما شمينا هذه الريحة ولما سأله زوجي قال إنه جابها من شركة ثانيه
    هو وكيل لها طبعا الجودة أقل والسعر كمان
    ما يقارن سعر جالون بـ 100 بجانب جالون بـ 65 ريال
    طبعا سعر المتر واحد بس راح تقل عليه الكلفة ومكسبه راح يكون أكبر
    انتبهوا للنقطة هذي وبالتوفيق إن شاء الله
  3. @snyor_666

    صاحبة الموضوع
    baby**
    والله ياقلبي الدهان مشكله نقعد شهر وشهرين نختار ونحتار في الالوان بس انا مع الاخت اللي تقول الساده ارقى واحلى ويتماشى مع الاثاث المودرن والكلاسيكي واحلى شي في الساده انو ماتملي منو طبعا تقدر تدخلي رسمات خفيفه او تخطيط بس ياليت تح…
    جزاك الله خير اختي وبارك الله فيك
    هذا بيت العمر الله يعطينا خيره وكفينا شره عشان كذا محتاااره ابي احسن شيء في اسرع وقت
    لان ابو الشباب ماعندة وقت اذا مخترت بسرعه بيختار على مزاجه

تابعي تجارب أخرى من هذا القسم.