كرهـًـًـت حيآأتي ونفسسي وكل شي بدنيتي ..بليز سآع‘ـدوني

حبيبتي انا كنت كذا زيك قبل
استانس اذا احد قال كلي حلوه وابدا اسبل بعويناتي والحلق ينشق
وصدق اذا رحت شفت وجهي بمرايه وربي احس اني حلوة ووجهي مرتاح وحتى نفسيتي ترتاح
ولو احد مزح معاي ولا قالي انتي مو حلوة دموعي تخر على طول واحس نفسيتي تعبانه ووجهي يسمر واكتاب

بس بعدماطولت السالفه وقبل لا اتزوج قلت هذي مو حاله انا الحين كبيره >>>>>>ثاني ثنوي كنت
وكان كل مااحد قالي كذا وسويت الشي هذا لاوالله فلحنا

قمت اقول بنفسي انا الحمد لله حلوة
واللي يتكلمون علي اكيد غايرين مني ويبون يحطموني ومن قهرهم يسون كذا فيني
مع ان تصدقين انا موصقيقاتي يقولولي انا بنات عمي يقولولي انتي وع واحنا احلى ومن هالكلام
وبعدها اذا جاني او سمعت احد تكلم علي اقول بقلبي الحمد لله اللي خلقني كذا موناقصني شي
الحمد لله انا لي عيون وغيري مالهم عيون وعميان واشكر ربي
واقول الحمد لله اسمع وغيري ماعنده هذا الشي واشكر ربي على هالنعمه
واقول الحمد لله جسمي حلو وغيري مشلول حتى جسمه مايقدر يشوفه حلو ولا لا
واحمد ربي

وربي جالي كلام قبل عرسي لان ملكتي طولت لمده 6 شهور انو هو مايبك ومايحبك ويقول مو حلوة ويقول مابيها
بس علشان يخربون
وهو نفس الكلام يقولون اني فيني حاله نفسيه واني مريضه وماتكلم مع احد وهو رد عليهم وقالهم بالحرف الواحد >>>كلي لو فيها ايدز ابيها
تخيلي وهم من الغيره بس يبون يحطموني>>>ادري شطحت عن الموضوع بس ابي ابينلك انو لو بتسمعين كلامهم وتتاثرين راح تتعبين
ولو طنشتي راح ترتاحين ولو عيبو
تذكري انو غيرك محرووووم من اشياء كثيره حلوة فيك
وتذكري دايم دايم انو مافي احد يذمك الا هو غيران منك
فطنشيهم وريحي بالك

آآخ يآقلبي مآتدرين قد أيشش فرحتيني خصوصآ لمن قلتي تذكري دايم أنو مآفي احد يذمك الآ هو غيرآن منك والله آأسستآنست أصصلن أنـآ قلت لأمي تغيرلي المدرسه لانو تخيلي هآلبنت وشلتهآ من صف سآدس وهي معي وكله تحطيم فيني بس أنـآ مآبديت أتأثر الآ بأول بثآني متوسط :44::44:
و
صح تذكرت موقف ونآ بثآني متوسط كنت معجبه ببنت عآد من شله هآلبنآت اللي يتريقون علي جآت وحده وقآلت للبنت اللي أنـآ معجبه فيهآ أنـآ أحبكك وتضمهآ قدآمي علششآن تقهرني وأصصلن هي مآتعرفهآآآ هععع بس تبي تقهرني بسس من جد حسيت أنهآ غيرآنه مني وأنتي الحين أثبتيلي ذآ الششي الله يوفقك يآرب و
ويرزقك الي تتمنين ولا يحرممنا منك
ويجزاك الجنة ويجعلة في موازين اعمالك
يارب اللهم امين

السلام عليكم ورحمة الله وبركاته

حبيبتي والله اني ابغى اساعدك من كل قلبي واني حزنت كثير لما قرييت مشكلتك
مشكلتك كبيرة ولازم تسعين لحلها انتي توك صغيرة وبكره مراح تقدرين تواجهين الحياة وانتي كذا
راح تفقدين لذة الحياة وراح تضيعين احلى عمر عمرك عمر الزهور شوفي حبيبتي انا مو اكبر منك بكثير
انا اكبر منك بسنتين بس ومرت علي سنين من عمري حسيت بنفس شعورك وتعذبت وانا بهالحال لكن الحمدلله
من كم اسبوع بس طلعت من القوقعه اللي انا فيها بفضل الله ثم فضل امي علي الله لايحرمني منها
تدرين الثقه ياقلبي أهم شي في الحياة أهم شي فهالوجود بتقولين انا عارفة لكن كيف اكون واثقة بنفسي
اول شي حطي براسك مفهوم واحد انوا الشكل اخر شي تفكرين فيه انتي فتحي عيونك وشوفي البنات حوللك
ممكن تلقين وحده اقل جمال منك لكن الكل يحبها والكل يكلمها والكل يهتم فيها ليش لأنها واثقه من نفسها لنها عارفة كيف تجذب الناس من حولها بإبتسامتها بروحها المرحه بثقافتها وأسلوبها اللبق لأها تشارك الناس أحاديثهم لأنها تفرض وجودها على الكل بتصرفاتها وأخلاقها أنتي لما تشوفين وحده جميلة لكنها مكشرة وماتعطي احد وجه وماتتكلم كثير ووحده ثانيه جمالها عادي لكنها فرفوشه ومرحة وأسلوبها حلو وثقافتها حلوة وودودة مع الناس راح تحبين اي وحده فيهم اكيد بتقولين الثانية

يعني النقطة رقم 1

الشكل آخر شي في الحياة تفكرين فيه وتركزين علية وانه بسبب الشكل فقدتي ثقتك ولاتنتظرين احد يقولك انتي حلوة
عشان ترجع ثقتك بنفسك قولي لنفسك انا مابغى اسمع هالحكي تدرين ليش لأنوا كلام الناس عنك زي الكبسولة يكون مفعولها مؤقت وتنتهي لكن لما تكون الثقة نابعة من داخللك هالشي أقوى هالشي يدوم مفعولة لمدة طويلة الثقة ياحبيبتي قوة قوة قوة يعني أنتي عارفة لما تكونين واثقة تصيرين مثل الجدار القوي أي ضربة مهما كانت ماتكسرة ماتخلية يضعف
والناس ماتقدر تقولك شي لما تشوفك واثقة لأنها اصلا مراح تشوف مواطن الضعف فيك انتي اذا شفتي نفسك حلوة الناس راح تشوفك حلوة لانه هالشي يبان من تصرفاتك من كلامك من تعامللك معاهم تدرين حتى لو ماكنتي جميلة الجميلات تقدرين تخلين الناس كلهم يشوفونك كذا كيف اصرفي انتباههم لشي كل الناس يحبونة وهو الشخصية المرحه الودودة الخلوقة اللي تجذب الكل بتصرفاتها وقسما بالله العلي العظيم اني اعرف وحده ماهي بذاك الجمال لكنها واثقه من نفسها واذا قعدت بالجلسة كل الانظار حولها والكل يبغى يتكلم معها والكل يبغى يسولف معها والكل يحبها ويحب جلستها والناس صارت تشوفها جميلة مع انها عادية جدا جدا وعشان تعرفين أنوا اذا خليتي فباللك أنوا الشكل أهم شي راح تتعبين لأنوا حتى إذا كنتي حلوة بتلقين أحد احلى منك واللي أحلى منك بتلقى أحد أحلى منها هاذي هي الحياة ربي يعطي كل شخص وياخذ منه بحكمة يعني الشكل شي مو بايدنا هالشي ربي عطانا اياه ولازم نتقبلة ونرضى فيه بكل عيوبه ومحاسنة لانوا اذا انتي اقتعتي ورضيتي وببحثتي عن مميزاتك وغضيتي الطرف عن عيوبك ربي بيحط فقلبك الرضا وراح ترتاحين وراح تسعدين لانوا ربي يقول وان شكرتم لأزيدنكم ولإن كفرتم إن عذابي لشديد أهتمي بشكلك لكن مو بشكل مرضي اهتمي بشكلك بشكل طبيعي تعلمي مثلا المكياج الناعم اللي يناسب البنوتات تعلمي كيف تسوين تسريحات ناعمة اهتمي بالنظافة اهتمي بالعطور وخلليك انثى دلعي نفسك بكل ماتحمله الكلمة من معنى وارمي كلام الناس ورا ظهرك
لانه الناس تقول كلامها الشين والزين وتنسى وانتي اللي تتعذبين وانتي تعيدين هالكلام براسك آلاف المرات لين تتحطمين وتتعبين وتفقدين ثقتك بنفسك

2
الحين اقولك كيف ترفعين ثقتك بنفسك أول شي ماعرف بس إذا عندك قدرة تنقلين من مدرستك يكون شي أفضل لانوا المدرسة الجديدة ماحد يعرفك فيها فتقدرين تكونين انسانه ثانية وتغيرين تصرفاتك وخجلك وخوفك براحة والناس بتحسب انوا انتي كذا
ثانيا اشتغلي على نفسك بهالأجازة قولي لنفسك خلاص أنا بحط حد لهالوضع ولازم اخلي الناس كلها تشوف مين انا بالنسبه لخوفك من الكلام جيبي ورقة وقلم واكتبي السلبيات يعني الاشياء اللي انتي تشوفينها بسبب هالخوف يعني تصرفات البنات معاك يعني نفسيتك كيف صارت وانوا انتي مو راضيه وتعبانه من هالوضع واذا استمريت بهالوضع اش راح يصير وبعدين اكتبي الهدف وهدفك انك تصيرين وحده ثرثارة ههههه
وفرفوشه وضحوكة وتهبل وكل الناس تحبها وقولي ****لله بوصل لهاالهدف بعد شهر او بعد شهرين لانوا التغيير ياقلبي صعب ويبغاله وقت وبعدين اكتبي الحلول وانا بعطيك بعض الحلول اللي اعرفها والباقي انتي تعرفينها اكثر لانها حياتك وانتي ادرى فيها واعرفي انوا الثقة تمرض يعني لازم مراح واثقة اربعه وعشرين ساعه لا احيانا راح تضعف ثقتك بنفسك وهاذي هي حكمة الحياة فرحة وحزن ضعف وقوة لكن مو نحط ايدنا على خدنا ونبكي ومانسوي شي لا قال ربي وقل اعملوا فسيرى الله عملكم لاتهولين ولاتكبرين الامور يعني لاتعتقدين ان الناس قاعده تشوف بشاعتك على قولتك اوانها منتهبه لك انتي تظنين هالشي لانك مركزة على المشكلة بشكل فظيع لكن الناس مادرت عنك كل واحد يفكر بنفسة اهتمي بدراستك وخلي عندك طموح وحطيلك اهداف وحقيقيها وهالشي يرفع ثقتك بنفسك احفظي القران مثلا كل يوم احفظي خمس ايات وربي بيساعدك ويعينك تعلمي اشياء جديدة ووخلي هدف ببالك ابغى اكون ناجحه في كل شي وابغى اعوض السنين اللي تعبت فيها وخلاص من اليوم ورايح راح اكون انسانة جديدة تعلمي بعض اللغات راح تساعدك كثيير روحي المكتبة واشتري كتب لدكتور اسمه ابراهيم الفقي اسلوبه بسيط راح تفهمين عليه وراح يساعدك وخلي دائما براسك انوا انتي كل ماكنتي مثقفة كل ماكنتي اقوى ومانتي بحاجه للناس المعرفة والعلم ياقلبي قوة خريطة توجهك للطريق الصح وانتي اذا بديتي تقرين عن تطوير الذات والكتب هاذي ودخلتي مواقع النت وقريتي عنها كثير راح تصيرين انسانه ثانيه وراح تصيرين مميزة عن صديقاتك وعن اهللك واقاربك لانك مثقفة وفاهمة وعاررفة وعندك كنز ماهو عندهم ولايعرفونه

وهاذا موضوع عن الثقة بالنفس حلو مره واقريه و****لله اكون ساعدتك ياقلبي وبدعيلك ****لله بس انتي ادعيلي اني اسوي عمليتي قبل رمضان وارتاح من الألم

الله يسعدك دنيا واخرة ويوفقك ويعطيك على قد نيتك وطمنيني عليك