أكبر تجمع لطرح قضايا واهتمامات صاحبات المشاغل (1)

اهلين يااخواتي ممكن سؤال كيف انظف الفير السوري لصار لونة اسود من الرغوة بالزيت اللي يجي معه والا كيف

أرواح متآخية الله يوفقك اختي وين مارحتي ان شاء الله ولايحرمك الاجر باذن الله
ويرزقك الرزق الحلال باذن واحد احد
انا ياختي محتاجه فلبينيه تساعدني بالمشغل لحد مايجو كوفيراتي
انا اعرف صبغه ومكياج ومحتاجه لوحده تعرف للاستشوار والتسريحات والقص ياعيوني
اتمنى ماتبخلي علي ياقللبي وانا مشغلي بالقـــــــــــــــــــــصيم

جزاك الله خير اختي .. ماادري 1500؟؟ احسها كثيره مررره:09:اكيد ماراح توافق لاني اناادفع اجار المشغل كامل تقريبا800 ريال في الشهر!!بتقولي تدفعيني اكثر من اجار المشغل علشان مساحة 3×1م؟؟؟
وانا صراحه محتاجه ااجره لان مشغلي جديد ولاعليه زباين ويادوب ادخل راتب العامله!!:44:
بس يالله شورك وهداية الله وبسألها اول هي كم تبي تستاجره واشوف كم تقول:39:

السلام عليكم ورحمة الله وبركاته
اشكر صاحبة الموضوع على هذا التجمع واشكر كل البنات على تعاونهم
بدخل في الموضوع انا حابة افتح مشغل خياطة فقط وعندي كم سؤال ان شاء الله انكم تجاوبوني عليهم:
في البداية كم خياطة اجيب؟ يكفي اجيب وحدة تقص وتخيط وبعدين اجيب الثانية ولا اجيب ثنتين من البداية؟
ومين جربت الاستقدام وياليت اللي عندها اسم مكتب يستقدم خياطات تقولي؟
وكم راتب الخياطة اذا كانت استقدام وتقص وتخيط؟
وايش هي التجهيزات اللي يحتاجها المشغل من مكائن وكم عددها وايش اسمها؟
وتقريبا كم اجار المشغل اذا كان بشمال الرياض؟
والديكورات كم تكلف اذا كانت بسيطة؟
واللي عندها مشغل خياطة ياليت تقول كم كلفها المشغل من ايجار وديكور واستقدام ورواتب؟ يعني كم يكفي راس مال؟
ومتى طلع راس ماله وايش هي الصعوبات اللي واجهتها في البداية؟
معليش طولت عليكم بس انا واثقة ان شاء الله انكم تردون علي وتوجهوني لاني ابي اعرف كل شي قبل ابدا خاصة في الامور المالية
جزاكم الله خير

:26:

احب اشكر صاحبت الموضوع على موضوعه الأكثر من رائع وانا توني ادري فيه وابي ادخل بلموضوع على طول انا توني فاتحه مشغل من 3شهر قدمت على 2اندنوسيات مساج وكوافيره و3فلبينيات وخياطه الأندنوسيات وصلن لهن شهر ومن يومين وصلت الخياطه والفلبينيات لي 4شهور مقدمتهم ولى حصل يوصلون وتوهقت مررررره وتعبت نفسيتي الأندونسيات مايعرفن شي وحده تعرف تستشور وشغله بطيء والثانيه ماتعرف الى مساج وجت العطله وانا على هلحاله مدري وش اسوي وسويت اعلان وكلمتني مغربيه من جده والحمد لله جت بس طلبت راتب 4الف ورضيت كأنه طالبه 400ريال من شدة حاجتي له بس الحمد لله فرجته لي كثير علمت الكوافيرات طريقة الأستشوار بس رفضت انه تعلمهم التساريح وهي هلحين بترجع لجده علشان زوجه وعياله هناك وهلحين انا محتاره مدري وش اسوي والمشغل دافعين به دم قلوبنا الى الأن كلفنا 500الف يعني نص مليون الأيجار لحاله 100الف وهلحين الأيجار النص قرب وانا ماحصلت قيمته وانا محتاره والمشغل راقي من حيث الديكورات وفخم يعني لو فيه عماله كويسه يمشي اشير علي وش اسوي بهلأندنوسيات علشان يتعلمن الى ان يوصلن الفلبينيات