بدل النظرة الشرعية ،بتكون مكالمة ، بس مااعرف شقول ، ساعدوني بالاسئلة.....

لو سمحتوا يابنات ابغي منكم مساااعدة :44:

انا تقدم لي شخص .. وبدل النظرة الشرعية .. راح تكون مكالمة بينا من جوال اختي على جوال اخوي (يعني اخوي يكون جالس معاه ويتصل على جوال اختي وانا اكلمه ، وهو يكون جالس جنب اخوي وانا جالسة جنب اختي) ..وقالوا لي اسأليه الاسئلة الي تبغين عشان تحددين اذا عقليته وتفكيره يناسبك والا لا؟؟

الحين الي ابغيه منكم ...انكم تساعدوني شنهي الاسئلة الي المفروض اسئله اياها ..وطريقة السؤال او صيغة السؤال كيف تكون..ابغي اسئلة تخليه يتكلم وافهم طريقة تفكيره ... لان احنا مانعرف عنه اي شي ..لانه من منطقة ثانية ..

انتظر مساااااااااااعدتكم ,,,ومشكوورين ..والله يزوج كل بنت ترد علي وهي مو متزوجة.:icon28:. ويسخر قلب زوج كل وحدة ترد وهي متزوجة.:arb:

45 تعليق 3,284 مشاهدة

شاركي في النقاش

سجلي الدخول لإضافة تعليق.

التعليقات

42
  1. @aorak_mn_thhb

    والله حاله
    كل يوم فنتك جديد يعني اول يتفرجون والحين بيطقون حنك
    عموما الله يوفقك وينجحك يكتب لك الصالح
  2. @dmooaa_aloord

    صاحبة الموضوع
    شكرا على ردك .بس هم خيروني .,, وانا الي اخترت المكالمة بدل النظرة... عشان اقدر اتكلم براحتي..لاني مااقدر اسأله ..وهو جنبي..ارتبك..
    على العموم...مشكورة
  3. @kshr_kho

    صعبه

    وشوله الحوسه كلها

    يجى ويشوفك بحضور اخوك

    وسبحان الله بدون كلام من العيون اذا فيه قبول وارتياح اولا

    المكالمه مهما تكلمتى بتكون ناقصه وغامضه

    واذا شاريك

    بدون شوفه وتلفون بياخذك
  4. @dmooaa_aloord

    صاحبة الموضوع
    امه شافتني ووصفتني له اكيد.. وهو موافق..
    والنظرة الشرعية .. مو مهمة بالنسبة له .. بس انا يهمني افهم عقليته..وطريقة تفكيره..واعتقد هالشي مو حرام ..لاتفتون على كيفكم يابنات..رجاء مالي خلق لآي شي ..وشكرا

تابعي تجارب أخرى من هذا القسم.