امهات الأطفال الخدج هنا التجمع حياكم معانا/ الجزء الخامس

هلا اختي بنت النور

والله يخليه ويكبره وتشوفينه معرس

جم وزنه الحين وحجمه شنو للحين نتفة والا كبر عادي مثل الاطفال

وبدا يقعد ويحبو والا تاخر وطلعت اسنانه والا للحين

لان الخدج مثل ما سمعت بعضهم يتاخرون

هلا خيوو نبض الشوق

قول لنا عن تطوراته وحركاته ومتى حبى ومتى تحجى وقعد ومشى كل شي عن الاطفال الخدج

جم وزنه كان عند الولادة

وجم بقى عندهم وهل صادته مشاكل لان المشاكل كلها تصيد الخد ج واعليا عليهم

وهل نقص دمه واحتاج لدم مثل بنتي مرتين يركبون عليها دم وبنشوف بعد عقب اسبوعين جم وصل دمها

امهااااااااات الخدج

عرفتكم شوي بس وعرفت عيالكم

بس يا ريت كل وحدة تكتب سبب الولادة المبكرة وجم عمر ولدها او بنتها الحين وجم صار وزنها واي حليب تعطونهم

بسم الله الرحمن الرحيم
السلام عليكم ورحمة الله وبركاته

يشرفنني ان انضم اليكم شفاء الله ابني وابناءكم والبسهم لباس الصحه والعافيه واقر الله اعيننا بشوفتهم ائمة مساجد ودعاة للحق بأذنه تعالى

هاذي ثالث ولاده لي لطفل خديج الاولى كانت قبل 6 سنوات بعمليه قيصرييه بسبب تسمم الحمل ووكانت في الشهر الثامن كان وزن بنتي 1و400 غرام جلست اسبوعين في الحضانه وصحتها كويسه وبدأ وزنها يزيد وصلت 1و600 غرام وقالوا لنا بقي 200غرام وننزلها للبيت فررررررررررحت وبدينا نجهز لها ونختار في الاسامي والدنيا ماهي واسعتنا وزيارتي لها قليله بسبب العمليه بس كان قلبي معها من يوم اصحى من النوم وانا مقابله التلفون اسأل عليها
وفي ليله اتصل ابوها علي وانا نفاس ببيت اهلي وقال لي البنت تعبانه ونقلوها للانعاش والتنفس الصناعي انصدمت وقعدت ابكي وهو يطمن ويقول الى كاتبه الله بيصير وان شاء مافيها الا العافيه
من اليوم الثاني رحت على طول الصبح وزرتها لقيتها تعبانه مررررة وصرت ازورها كل يوم وحالتها في تدهور الى ان فاجتني الدكتورة وحطتني في الامر الواقع وقالت لي بنت صار لها نزيف من الدرجه الرابعه وهي من اخطر الدرجات وراح تسبب لها اعاقات كثيرة وعندها جرثومه سببت لها استسقاء في الدماغ والتهاب في السحايا وخلي املك بالله انهرت انهرت بكل معنى الكلمه وجلست ابكي وهم يسكتون فيني بنتي الي كنت انتظرها خلاص راحت ونزلت من المستشفى ورجعت للبيت وانا مصدومه وحالتي مايعلم فيها الا الله تعالى
سلمت امري لله وجلست بنتي 3شهور في المستشفى ونزلتها وحالتها الصحيه سئيه وصرت كل فترة اترقد معها في المستشفى بسبب الاستسقاء والعمليات الي يسوونها وكانت ماتتسمع ولاتشوف ولاحتى تبكي بس تفتح فمها اذا كانت جيعانه الى ان رحمها الله بعد معاناه حبيتي مع الالم 10شهور الله يجعلها شفيعه لنا يارب العالميين ويرزقني شوفتها في جنات النعيم اكتب لكم ودموعي تسبقني تذكرت حبيبتي وبنتي والمعاناة الي عاشتها

سامحوني مابي اضيق خلقكم وراح اكمل لكم قصة بنتي الخديجه الثانيه

في اخر الشهر السابع ضعف نبض الجنين وقررولي قيصرييه لان عندي سوابق موت الاجنه في البطن فخافوا ونزلوها
كان وزنها 1كيلو واحد بس
زرتها يوم خروجي من المستشفى خامس يوم لها كانت في غرفة الانعاش المركز وجميع الاجهزة متشبكه فيه ومغطيين عيونها وتنفس صناعي يوم شفتها قلبي تعلق فيها بس حسيت انها ماراح تعيش جلست عندها شوي ورحت وانا ابكي

بعد ولادتها باسبوع جت التحاليل الاوليه وبينت ان عندها جرثومه ونزيف من الدرجه الاولى قلت نفس الي صار لاختها الله المستعان وزفتت نفسيتي وبكاء ليل ونهار وبعدين فوضت امري لله وكلتها ربي ولجأت له بالدعاء ان الله يحمي بنتي ويشفيها ويردها لحظني سالمه وكنت كل يوم ارقيها واحط يدي عليه واقرى عليها واستودعها الله الذي لاتضيع ودائعه
والحمد لله تحسنت حالتها ونزلوا التنفس الصناعي منها وبدت في التحسن وبعد مرور شهر انتكست صحتها واستمريت في الدعاء والرقيه والحمد لله بعد شهرين نزلوها من الحضانه ووزنها كيلو و700غرام لان الحضانه امتلت عندهم وكان يوم خروجها جيتهم الصبح ولقيتها تبكي جيعانه والممرضات مشغولات وماحد فاضي لها وقلت للدكتور ابي انزلها للبيت صرخ بوجهي وقال لا مافيه خروج الا بعد اسبوعين ونزلت انتظر زوجي وجلست اقرا سورة البقرة بنية الله يشفي بنتي وينزلها لي بسرعه ورحنا البيت
والمغرب اتصل المستشفى وقال تعالوا اخذو بنتكم الحضانه مليانه وفيه حالات اولى وبنتكم صحتها متحسنه سبحان الله في نفس اليوم نزلت
وقالو لنا ان مخاطر النزيف الي صار لها ممكن يسبب لها شئ في النظر او السمع ولازم المتابعه مع العيادات الخاصه
ووكلتها ربي واحسنت الظن فيهان الله مايخيب دعوتي ويسلم بنتي من كل مكروه وراجعنا فيها العيادات الخاصه والحمد لله عمرها الحين ماشاء الله تبارك الله 3سنوات ومافيها الا العافيه طبيعيه والحمد لله
وقصة الخديج الثالث
قبل 20 يوم جبت ولدي ولاده مبكره اخر الثامن ووزنه كيلو و500 غرام جلس اسبوع في الحضانه ونزلته على مسؤؤليتي والدكتوره ايدتني وقالت الحمد لله تحاليله سليمه وانتي راح تهتمين فيه اكثر وهيي لها الجو المناسب وانتبه من المكيفات والبروده والمكان النظيف ولايقربونه الاطفال او المرضى والله يتمم عليه العافيه والصحه

الي ابي اوصله لكم خلوا املكم بالله وحده تعالى (((قل لن يصيبنا الا ماكتب الله لنا))) ان اصابنا خير فهو فضل من الله وانا اصابنا مكروه فهو ابتلاء وامتحان من الله عز وجل
توكلوا عليه ووكلو اموركم وفوضوها وسلموها له سبحانه وتعالى فهو ارحم الراحميين
الدعاء والاستغفار والصدقه والقران والرقيه الشرعيه لاتتركونها ابد والله خير الحافظين
استودعتكم الله وابناءكم ونفسي وابناءي واهلي انه لاتضيع ودائعه