الحنة و اللون البرتقالي ....ساعدوني

شكرا يا بنوتة علي الرد ...لكن انا اسمع ان الصبغة بعد الحنة ما تجيب نتيجة و تهلك الشعر

لا يا بنوتة شعري مش مصبوغ انا صبغت شعري مرة واحدة في حياتي و كان من سنتين و قصيت شعري علشان انزل الصبغة

شوفي حبيبتي لا تخاطرين وتصبغين شعرك الا بلون غامق يعني بني غامق او قهوة
اي لون فاتح بيطلع احمر انتبهي
ولاتزعلين الي صار صار
واحس فعلا اذا غسلتي شعرك بتغير بيخف اللون وقدامك شهرين ان شاء الله ربي يساعدك

شوفي حبيبتي انا دايما اذا صبغت شعري بلون فاتح وما عجبني على طول اصبغه بغامق بس جربي في خصله من الخلف وشوفي اذا عجبك فخلاص
واذا ماتبغي صبغه تبغي حناء فحنيه بحناء غامقه او حطي معاها الاشياء اللي تغمق وكثري الحنع في شعرك وخليها اطول مده ممكنه عشان يغطي البرتقالي كله مزبوط
شوفي انا احيانا اذا كنت ماابغى صبغه او كنت مستعجله وما عندي صبغه احط من حناء اسمها eagle.sهي علبه تنباع عند العطارين ويمكن في اماكن ثانيه انا اشتريتها قبل 3 سنين بس ماادري لون العلبه اتغير ولا لا
العلبه لونها بني وعليه صوره واحده هنديه وحاطه نقطه حمراء في جبهتها
بس شوفي انا اشتريت اللي مكتوي عليه بني بس طلع لي اسود مره ماادري يمكن طولت فيه خليته يمكن 3 او 4 ساعات
شوفي طريقتها سهله فكي الظرف وحطيه في مويه وبالفرشه حطيه على شعرك خصله خصله ودايما في اي صبغه او حناء ابداي من الخلف اريح واسهل واضبط وشوفي حطيه على طول لاتخلي الخلطه تتخمر
وحطي الششوار الين ينشف وبيصير لك اسود او بني غامق على حسب نوع شعرك ولونه وطول المده اللي بتخلي فيها الحناء
انتي جربي في خصله اول
انا احيانا اخليه ينشف لحاله ويصير بني غامق
وشوفي اذا بتنشفيه بالششوار ترى المكان كله بيتعبى بودره حناء فاحسن انك يا تخليه ينشف لحاله او تششوريه في الحمام عشان تقدري تغسلين الحناء اللي تطاير
وشوفي ترى هذه الحناء تقعد سنين في شعرك يعني ما يصلح انك تحطي منه اذا بتصبغي شعرك فاتح مره
انا كنت دايما اصبغ شعري فاتح مره بس بعدين طفشت لانه كل مانزل لازم اصبغ فحطيت من هذه الحناء وصار اسود مفحم لاني طولت فيه ونشفته بالسشوار لانه كان ليله عيد وكنت خايفه انه يكون في مكان يبين فيه الاشقر
انا حطيته قبل 3 سنين والين دحين هو في شعري يمكن خف لونه صار بني بس ما راح
حتى حبيت ارجع اللون الاشقر الفاتح اللي كنت اصبغه بس طلع لونه على برتقالي مع اني سويت سحب اللون قبل الصبغه بس ما في فايده فحطيت صبغه وسط
وانا دايما اذا سويت اي خصل او صبغه ماعجبتني على طول هو المنقذ
شوفوا انا شرحتلكم الطريقه لانه الطريقه اللي مكتوب عالعلبه ما فيها عربي
وانتبهي لا تغطي شعرك لمن تحطي من هذا الحناء
وشوفي فيه حل ثاني كمان فيه بخاخات بس موقته يعني اذا غسلتيه تروح فيه الوان يعني اذا عندك مناسبه وما عندك وقت تصبغي ولا تغيري فالبخاخ هو الحل
ارجوا اني عطيتك حل ولا تحطي اي شي الا لمن تجربي في خصله اول
وشوفي بالنسبه للحناء اللي قلتلك انا سمعت انه فيه ناس تسويلهم حساسيه والتهابات بس انا الحمد لله دايم احط منه
فعشان كذه جربي اول على خصله عشان اللون وعلى باطن ذراعك عشان الحساسيه واكيد انتي عارفه كيف تسوي تجربة الحساسيه
ولمن تفتحي علبه الحناء لا تسوي الظروف كلها سوي واحده واحده على قد ما يكفيكي لانه يروح مفعولها اذا خليتيه مده
ولاتنسي تحطي حمام زيت بعد الحناءعشان ينعم شعرك لان الحناء بتنشف قصدي بحمام زيت اللي يجي زي البلسم مو زيوت شعر عاديه اذا تبغي زيت حطي بس حمام الزيت بس تحطيه على طول يرجع شعرك ناعم زي ما كان ونتيجته سريعه من اول مره
اذا في اي استفسار انا جاهزه لكل الاخوات

اصبغية احسن حل