تشيز كيك ضايع

عندي طريقة دايما أسويها وما في حد وما خذ طريقتي

المقادير:

الطبقة الأولى:
بسكوت دايجستف مطحون
زبدة مذابة

الطريقة:
تخلطينهم مع بعض وترصين في الصحن المتحرك ودخليه في الفريزر لين ما تجهز الطبقة الثانية.

الطبقة الثانية:
1 علبة حليب نستلة محلى الحجم العادي
16 حبة جبن كيري
2 علبة قشطة نستلة أو بوك
عصير نصف ليمونة
1/2 1 واحد ونصف ملعقة طعام جيلاتين
1 فنجان (فنجان القهوة) ماء ساخن

الطريقة:
1- في الخلاط إخلطي الحليب + القشطة + الجبن + عصير الليمون.
2- ذوبي الجيلاتين في ماي حار حار، وضيفي للخلطة في الخلاط.
3- صبي على البسكوت ورجعي الصحن في الثلاجة أو الفريزر (أنا أحط في الفريزر لين تقريبا ساعة).
4- وزعي فوقه بعد ما يتماسك حشوة التارت البلوبري أو الفراولة أو الكرز. (بتحصلين حشو التارت في الجمعية عند الكيكات).
5- برديه شوي وقدميه


وبالعافية عليج

سوي طريقتي و متأكده بتكنسلين طريقتج

الطبقه الأولى

كالمعتاده بسكوت دايجستف + زبدي == تحطينه في الثلاجه

الطبقه الثانيه

2 جبن فلادلفيا الكبير + كوب سكر يخلط بالخلاط بعدين تضيفين عليه كريمه حامضه علبه وحده مع الإستمرار في الخلط بعدين تضيفين 5 بيضات كل بيضه بروحها مع الخلط لين يتجانس الخليط وبعدين تضيفين فانيلا وبشر ليمونه وأخيرا تضيفين 3 ملاعق أكل طحين وتخلطينهم

تصبينهم فوق البسكوت وتدخلينه في الفرن مدة نص ساعه وبعدين تسكرين الفرن وتخلينه داخله إلين يبرد ماتطلعينه عشان مايخفق من النص

برديه وحطي فوق الباي فيلينج إلي ينباع جاهز آنه آحب علالي الفراوله

وصدقيني أحلى من الجاهز

ام عبدالله ومراوي 22 الله يعطيكم العافيه ***** الله بجرب هالطرق للتشيز كيك باين عليها سهله ولذيذه وشكرا على مروركم انتم الوحيدات اللي عبرتوني