انا حابه اضيف تعليق بسيط على الاخوات الي يقولون دايما خلاص دخلي اهلك ولا انفصلي حل المشكله ليس بالانفصال لانه راح يتزوج ثاني وبرضه ينفصل والناتج طلاق اكثر من 3 او 5 بنات طيب اعتبريه كافر وحاولي تدخلينه الاسلام ولك اجر اسلامه .
اما حل مشكلتك انا مريت بظروف مشابهه لظروفك بس ماحسيت انه يحشش يعني انا اتزوجت وكان يقول انه مايدخن المهم اتزوجت ومن ثاني يوم عرفت انه يدخن وكمان زي ماتقولين يروح يسهر ومايجي الا 8 او 12 الظهر بس مو يوميا وعلى قولك مايصلي يعني كانت قدامي ثلاث مشاكل بس الشي الحلو الي فيه انه يخاف على نفسه بديت معه خطوه خطوه اولا السهر لانه اذا سهر ماراح يقدر يقوم يصلي جلست ازن عليه واقوله اضرار السهر وانت ليش تسهر واشككه بنفسه كنت اقوله انت طول اليوم تتكلم وانت نايم ومرهق والدوخات الي تجيك اكيد من السهر واستغل اي شي والصقه انه من مضار السهر بدا يخفف شوي الين ماسابه وحس براحه بعدين وبدا يثق في
ثانيا :الصلاه زي ماقالت الاخت كنت اطبع اوراق عن الصلاه وعقاب الي مايصلي الين مالتزم بالصلاه
ثالثا :الدخان والله جلست وراه الين بطل ادخان بنفس الطريقه الاولى
وعليك بالصبر لان كل خطوه ماكانت بيوم ولا يومين بل سنه وسنتين صراحه الهسر كان شهور والصلاه يمكن سنه والدخان سنتين وانتبهي تقوليه اي شي بصفه الامر يعني اترك السهر سوي كذا اختاري وخططي وش تقولين له اكيد انتي عارفه اسلوب زوجك اكثر مني ولاتجزعي من الدعاء .
وعل فكره زوجي الان يقولي انا ماني عارف اشكرك كيف حتى امه وخواته يحسون اني افضل وحده من بين سلايفي .الحمد لله
تقبلي مروري
دمت بود
ساعدوني ارجووووكم ... لاتتركوني ما احس براحة في زوجي
متابعة النقاش، صفحة 7