حياكم الله حوامل في البدايه تعالو نتشارك الهموم

وينكم بنات ليه محد يكتب عن مراجعاته وش سوى من تحاليل واشعه

نفسنا باي شي
يالله بنات وين تراجعون وين راح تولدون باي مستشفى وش افضل دكتوره

انا توني حامل بالشهر الثاني
احسني مو طايقه نفسي ولاولدي نفسيتي زفت
وصايرة افحم بسرعه ما ادري وش السبب بس اتوقع انخفاض بالضغط لاني بحملي الاول نفس الحكايه
الله يهون علي وعلى كل الحوامل
اللي تفحم بسرعه مثلي تعطيني خبر علشان ارتاح
وتجيني اوجاع فبطني مثل اوجاع الدورة احس بديت اخاف طمنووووووووووووووووووووووووووني
وبالنسبه للمراجعات اراجع عند الدكتورة حنان مستوصف عيادات المستقبل في بريدة مرتاحه لها
وتوني ما سويت اشاعه الا مره وحده ما بين الا كيس الجنين
ودمتم بخير*******************

السلام عليكم خواتي مبروك للجمبع انا حامل ولله الحمد بالشهر الثاني بعدتسقيط قبل سنه يعني ثاني حمل لي ادعولي الله يثبته ان شاء الله بالنسبه للوحم ذابحني الغثيان عاطني الدكتور حبوب بس صراحه ماخذته لاني متعقدة من الادويه والحمدلله كل شي معي تمام مشكلتي يقول لي الدكتور رحمي مايل للخلف وهذا الشي متعبني ومخوفني استغفر الله بالنسبه للتحليل سوى لي الددكتور 6 تحاليل اذا طلعت النتائج اقولك اختي دنيا ايش اوكي ع فكرة انا من الخبر اتابع عند دكتور مصطفى في سعد اسفه طولت عليكم