اسرع طريقه لتنظيف اعقاب القدم في العالم فعااااااااااااله جدا(( بشرى للكسلانات :))

السلام عليكم ...
ما اتوقع احد بالدنيا اكسل مني في الاشياء اللي يبي لها وقت واستمرار
يعني البديكير لحاله كان ياخذ مني نصف ساعه على الاقل ،، وما احب شيء اسمه البسي شراب وذا الكلام
وصراحه انا مرأه عامله
ومشغوله جدا المشكله الرجال ما يرحمون مره اسولف ويا زوجي يقول انا اعرف المره النظيفه من رجولها
يعني ترك كل شيء وركز على الرجل يا بنات فعلا الوحده لما تمشي في الشارع عين الرجال ما تطيح الا على الرجلين يعني اذا ما هي لابسه شراب
الله يستر عليها ... ،وما اعرف اداوم على حاجه ...الا ما يجي يوم تكوني رجلي متشققه وحالتها حاله
المهم مصائب قوم عند قوم فوائد
اختي اكسل مني ورجلها من التشقق اذا شفتها اقولها حرام عليك لا يجيك غرغرينا ولا شيء ..
والبنت انخطبت ما عاد فيه عذر من كم يوم رجلينها ما شاء الله مره وحده انقلبت سألتها شو الطريقه
قالت المكونات
مبرد قدم]
شويه مويه لغمس المبرد ،،، ويالله ابدي افركي وكل ما حسيت انه نشف ارجعي غمسيه ورجلك خليها ناشفه
واذا خلصتي ادهني رجلك بفازلين ونعيما ...........
يعني الحين ما عاد فيه حجه للمشغولات يالله افركن رجولكن ترا فشلتنا :) بس من جد النتيجه فتاكه جربي واحكي تجربتك

49 تعليق 70,447 مشاهدة

شاركي في النقاش

سجلي الدخول لإضافة تعليق.

التعليقات

47
  1. @ahlam_alfgr

    ننظفها وماتاخذ شهر الاهي راجعه مثل ماكانت
    والاحراج وانتي متقطيه بالشرشف يمسك فيها
    بس والله ماهو بصحيح ان المراه النظيفه تنعرف برجلينها غصبا علينا
  2. @am_amthal_obdr

    ايه وانت صادقه

    انا موكل اسبوع عندي وقوت اروح الصالون عشان انظف رجليني

    شريت مبرد من الصالون ب10 درهم وكل 4 ايام مرات كل ما اسبح وافرك رجلني

    ومن اطلع فازلين وشراب اي نوع مو مهم ورجليني نعومه ولا اروع

    ومايخذ منك وقت

تابعي تجارب أخرى من هذا القسم.