السلام عليكم
ندخل في الموضوع
انا عروس عرسي كان تاريخ 31/7 لين الحين تقريبا صارلي 14 يوم
المهم من ثالث يوم زواج وانا مزاجي تغير على ريلي 180 درجه من ثالث يوم قلت ابا ارد بيت اهلي وفجأة صرت
اكرهه بطريقة غير طبيعيه المهم خامس يوم رديت بيت اهلي ولين الحين ما ابا ارجع له مع اني اقابله ونطلع وكل شي
بس نستقر في بيت واحد لاء
ولين الحين انا بنت بعدني ماصار شي بينا
وقلت لاهلي ابا اطلق منه واهلي رافضين الفكره والمشكله اني كنت اعرفه لانه ملج علي وفترة الملجه تمت 7 شهور
اعتقد انها فتره كافيه بس ما اعرف شوياني فجاه وكرهته المهم هو البارحه كلم اهلي وقالهم ان هو مل وتعب مني
ومايقدر يتم على هالحال وما يبا يسو شي ونندم عليه .....
وانا مصره على الطلاق منه والمشكله ماشفت منه شي غلط غير انه بخيل وهالايام اشوفه اتعدل شوي احسن عن قبل
انا الحين محتاره وماعرف شسوي ياليت تنصحوني
شاركي في النقاش
سجلي الدخول لإضافة تعليق.
التعليقات
52- up
- حبيبتي اولا مبروك ثاني شي احمدي الله انه ستر عليج في بنات كثير يتمنون الرجال اليوم واذا على انه بخيل فالمرأة هي بذكائها تقدر تخليه معطاء ومع الايام بيتغير بس مو من البداية بعدج ماصار لج اسبوعين وتبغين تتطلقين!! وطالما انه بشهادتج تقولين بأنه مافيه عيب غير البخل فالمشكلة هينة.. استهدي بالله والعني الشيطان وارجعي لزوجج وعيشي حياة حلوة معه والله يبارك لكم في بعض..
- بس نصيحه لا تدميري حياتك معروف تجيكي حالات موطايقتو بس طلاق عارفه ايش يعنى طلاق ممكن تقري قصص ومعاناه المطلقه وفى الاخير استخيري
- اب
- مرحبا حبيبتي
اول شئ مبروك زواجك
مشكلتك ياحبيبتي ماعطيتي نفسك فرصه كافيه انك تعرفي زوجك صحيح الملكه والخطبه قادره انك تعرفي فيهم زوجك
لكن مهما يكون لما يجمعكم بيت واحد وغرفه وحده رح يكون شئ ثاني
انتي في طرح مشكلك تناقضي نفسك انتي تبغين تطلقي منه وبنفس الوقت مرتاحه له
تاكدي عزيزتي مافيه شخص كامل وتاكدي ان طلاق موحل
وبما ان مافيه سبب يخليك تكرهيه بها طريقه مالك الادعاء وقراه القران اقراي سوره البقره هاثلاث ايام واستخيري
حاولي تشوفي فيه ايجابيات لاتركزي على سلبيات
وترا كل طريق جديد في الحياة يكون بدايت صعبه
لما الانسان يتعين بوظيفه جديده بدايه وظيفه يتعب ويفكر يتركها حتى بدراستنا ايام جامعه
اي شئ يغير مسار حياتنا بدايته تكون صعبه بعدين خلاص نرتاح
انتي تقولي كارهته فكري اقنعي نفسك اولا ليش كارهته ؟ بعدين اقنعي اهلك
اذا مافيه اي مبرر مالك الادعاء واضغطي على نفسك وارجعي معه ذا حسيتي نفسك نهائيا مومتحمله صارحيه
بس حاولي مره ثانيه حتى ماتلومي نفسك بعدين
الله يوفقك يارب ويسعدك
مواضيع مشابهة
تابعي تجارب أخرى من هذا القسم.