محشي الملفوف بطريقتي ومن مطبخي

السلام عليكم ورحمه الله وبركاته

شلونكم يا بنات
اليوم بوريكم طريقتي في عمل محشي الملفوف

اول شي ناخذ الملفوفه ونحفرها من النص ونشيل الجزء اليابس منها بهذي الطريقه





نحاول نفتح الاوراق شوي بيدنا
بعدين نحطها على النار في ماء مغلي
بنلاحظ ان الاوراق هي بتنفتح شوي شوي
نشيل اول طبقه ونتظر شوي ونشيل الطبقه الثانيه وهكذا الى ان تخلص الاوراق
مع ملاحظة ان الورق لازم يلين شوي يعني نص سوى عشان لا يتفتت علينا واحنا بنلف بعدين

نحضر خلطة الحشو
نحمر البصل في الزيت بعدين نضيف الثوم المدقوق مع قرن فلفل اخضر حار



بعد ما يتحمر بنضيف اللحم المفروم
نخليه الى ان ينشف مائه




نضيف حبة طماطم متوسطة الحجم وحبة ماجي



نضيف بهارات على حسب الرغبه
ونضيف ملح




نضيف حزمه كزبره وحزمة شبنت مغسوله ومقطعه قطع صغيره




نضيف كيلة رز مغسوله وتكون منقوعه في الماء من قبل




نقلب الخليط شوي على النار ونسكره
وبتكون خلطة الحشو جاهزه




يتبع

222 تعليق 31,730 مشاهدة

شاركي في النقاش

سجلي الدخول لإضافة تعليق.

التعليقات

218
  1. @akht_albth

    صاحبة الموضوع
    نقطع ورق الملفوف الى قطع متوسطه الحجم ونشيل العروق منها ونحطها في قاع الجدر
    نحشي الورق بالخلطه ونصفها على العروق وبتكون بهذا الشكل




    نسوي صلصه طماطم عاديه
    نحمس قليل من الثوم المدقوق في الزيت ثم نضيف ماجي وعلبة صلصه طماط
    نضيف ملح وكمون مطحون ودقوس
    نضيف ماء
    ونتركها شوي تتسبك على النار




    نضيف الصلصه على الورق الى ان يغطي الورق بالكامل
    يترك على نار هادئه الى ان تنضج حبات الرز ويلين الورق




    والطبق بيكون جاهز














    وعليكم بألف عافيه
    ومبارك عليكم الشهر الكريم
  2. @aadoh_mtmyzh

    ماشااااء الله شكله يشهي احب الملفوف بس يالليتك صورتي طريقة اللف مااعرف الف الله يجزاكي الخير على هالطبق الروعه

تابعي تجارب أخرى من هذا القسم.