أبغى بنت !!!! معقولة مافيه حل ؟؟؟!!!!!!!

السلام عليكم :
كيفكم يا أخوات ؟ إن شاء الله تكونون بصحة وعافية ، مشكلتي باختصار هيه إن ماعندي بنت ، يعني رب العالمين سبحانه وتعالى أعطاني ولدين الله يحفظهم ويبارك فيهم ويحفظ لكم أولادكم ، لكن ربي ما أراد لحد الآن إنه يكون عندي بنت :44: وأنا أحب البنات مررة ، وأولادي صاروا شباب ماشاء الله تبارك الله ، الصغير عمره 14 سنة ، يعني صاروا يروحون مع أبوهم وأنا أحس بوحدة قاتلة حتى وأنا مع الناس يعني حاسة بانكسار وحاسة إني وحيدة ، يوم أشوف الحريم كل واحدة معاها بناتها يساعدونها ويدهم بيدها أحزن على نفسي ويشهد الله إني ما أحسدهم بالعكس أتمنى ربي يزيدهم من الخير ، لكني عجزت أتجاوز الألم اللي بنفسي :( الحمد لله أنا راضية باللي كاتبه ربي وأحمد ربي ألف مرة على نعمه علي ، وأعرف إن المؤمن مبتلى ودايما أدخل قسم تأخر الحمل وأقول الحمد لله اللي يشوف مصيبة غيره تهون عليه مصيبته ، لكن مشكلتي الحززززززززززززن صار ملازمني ، وعشان كذا فكرت آخذ بنت يتيمة أو مجهولة النسب وأربيها ، بس المشكلة إنهم يشترطون إن البنت تكون في سن الرضاعة وواحدة ترضعها من الأقارب ،
وأنا ماعندي إلا واحدة من أقاربي هي اللي ممكن ترضعها وهيه تقول زوجها رافض هذا الأمر تماما ، وكمان أنا حابة إن البنت تكون كبيرة ثلاث سنوات أو أكثر ، بسبب ظروف عندي ما اقدر آخذ واحدة صغيرة ....
يابنات اللي عندها حل أو فكرة تساعدني ولها الجنة إن شاء الله ، يعني قبل كم يوم كنت فرحانه ومتحمسة وكلمت زوجي وهوه تقريبا موافق إني آخذ بنت أربيها ، لكني انصدمت يوم عرفت شرطهم :icon33:ساعدوني وادعوا لي الله يوفقكم ...

34 تعليق 5,168 مشاهدة

شاركي في النقاش

سجلي الدخول لإضافة تعليق.

التعليقات

31
  1. @smaaa2009

    استخيري يا حبيبتي

    وما تدرين وين الخيره يمكن ولدين افضل من عشر بنات

    انا مثلك ما عندي الا ولدين الله يحفظهم ويخليهم لي ويصلحهم

    يمكن لو جايتك بنت بتكون عاقه بك وبأبوها

    احمدي ربك يا وخيتي ما تدرين وين البركه فيه
  2. طيب ليه ما تحملين بدل ماتتبنين ؟؟
    انا مااعرف ظروفك بس لو تقدرين تحملين ولايمنعك شي توكلي على الله لعل الله يرزقك توأم بنات
  3. @oaaod_halm

    تعوذي من ابليس وحاولي تحملي مره تانية
    ولا اشغلي نفسك باي شيء تاني
    بكره عيالك يتزوجك ويجيبوا لك بدل البنت بنتين

تابعي تجارب أخرى من هذا القسم.