شوروا علي افطر لحالي و لا مع حمولتي؟؟؟

الله لا يحرمنا منكم وردودكم الي تبرد القلب بس نسيت اقولكم

انه زوجة أخو زوجي تفطر معاهم وهي ساكنه معهم ما عندها شقة مستقلة

هاه وش رايكم بس اثبت على رايكم وافطر لحالي ومن فتره لفتره انزل لهم وارسل لهم

انا بصراحه ام زوجي ما تتدخل في حياتي لكن احسها من النوع الي يشره شوي

اقعدي ببيتك احسن لك

ويوميا ارسلي لهم من فطورك

ومره وحده اعزميهم كلهم واحتسبيها

اما مسأله كل يوم تنزلين لا

بس انتبهي لايصير يوم عندك ويوم عندهم

بيروح الشهر وانتي بالمطبخ

والله ياأختي أنت أدرى بحمولتك
إذا كنت تحسين أنهم يحبون أنك تفطرين معهم أنزلي وإذا كان العكس أنزلي يوم في الأسبوع أو يومين وفطورك معك
بصراحة أنا بنت وماأحب حريم اخواني يفطرون معنا لأنه يصير فيه رسميه وكلافة وزيادة في الطبخ ومجاملات تفقد الفطور روحانيته هذا غير ضياع الكثير من الوقت!!
عكس إذا أفطرنا لوحدنا يكون فيه روحانيه أكثر ودعاء وذكر ونقوم من على السفرة بسرعة للصلاة وقراءة القران .

كل اربع ايام او اسبوع انزلي افطري معاهم وجيبي معك صنف حلو وصنف مالح او صنف واحد منهما

او تقولين لهم لاتسوون سمبوسه انا بسويها لكم بكره او مكرونه او صينية خضار يحبها قلبك
واعزميهم مره بنص رمضان مثلا
بس تنزلين عندهم كل رمضان وكل يوم صعبه عليك وخاصه اذا عندك عيال وازعاج وحوسه
وحلات الفطور برمضان من غير ضغط نفسي ..

ياحبيبتي الدنيا مفرقه اول شي اسالي زوجك واذا حبيبتي تنزلين سوي طبق معك واذا حبيتي
تفطرين لحالك ارسليلهم من اللي سويتي