الحمل والوزن الزايد شو تنصحوني؟

السلام عليكم ورحمة الله وبركاته ...

خواتي باختصار مشكلتي وزني الزايد ورغبتي الشديده في الحمل خصوصا هالفتره ...لعدة اسباب
عندي ولدي مكمل سنتين ونص ودايمن احس فيه ملااااااااان طفران يبي ياهل معاه فالبيت ! ما ايكفي حبي وحب ابوه ولعبنا معاه يبي حد اصغير ....بيتنا هادي وايد واهلي واهل زوجي ما عندنا اطفال في عمره ...

وزني حاولت انزله من بعد الولاده بس رجع زاد وبصراحه احس وزني كبير وخايفه احمل او تصير معاي مضاعفات او شي :44: وزني 100 كيلو تخيلو ؟؟!!!! تنصحوني احمل عشان ايبله اخو او اخت يخاونه ويلعبون معاه ولا انتظر زياده لين ما انقص وزني شو رايكم فيدوني

والله ايبلغنا رمضان بالخير يارب

13 تعليق 1,232 مشاهدة

شاركي في النقاش

سجلي الدخول لإضافة تعليق.

التعليقات

13
  1. خالتي وزنها 122 والحين حامل بالسادس ماشاء الله

    ولا عندها مضاعفات ربي يتمم علينا وعليها

    انا اقول توكلي على الله واتركي الموانع كانج تستخدمينها وحملي

    ياما حريم دبل وزنج وحملوا ماشاء الله

    ربي يكتب لج الحمل السليم التام عاجلا غير اجل يارب العالمين وتجيبين لولدج احلى اخت :)

    يااااااااااااااااارب
  2. @dom

    ان شاء الله مامنه مضاعفات
    بس حاولي قد ماتقدري تسوي حميه والاهم الرياااااااضه

    وربي ييسر امرك ويحقق مناك
  3. انتي خلي عندك شهرين تنزلي فيها وزنك وراح يكون الحمل دافع
    يعني بالشهرين تقدرين تنزلين 20 كيلووووو


    شدي حيلك تراها سهلة ورمضان جاي يعني فرصة لتنزيل الوزن
  4. @loooolooo666

    .
    .

    حاااااااااولي لو شهر واحد تضغطين على نفسك وتعملي رجيم

    وأحملي ..

    والوزن ماله علاقه بالحمل أعرف كثير وزنهم كبير ويحملون عادي ..

تابعي تجارب أخرى من هذا القسم.