شاركي في النقاش

سجلي الدخول لإضافة تعليق.

التعليقات

418
  1. @st_alkl1

    عاشقة كيمو
    موضوعك رووووعه
    شوفوا البنات من أول يتكلمون عن الكيد على أنه شيء زي السحر ممكن يصير كل شيء زي ما تبغى في دقيقة وكأن هذي صفة لازم تتعرضين فيها لسوء النية وخبث الطوية أبداً... مو هذا أكيد إلي لأزم نتعلمه عزيزاتي ...


    هي صفة تتحلى فيها بنت الأصول بحسن تدبيرها وبكل هدوء تأخذ حقها و ما تغلط على أحد تقدر الكبير وتحن على الصغير وتعامل كل الناس وبذات أهل الزوج بهدي محمد عليه أفضل الصلاة وأزكاء التسليم تراعي الله قبل كل شيء تحب لكل مسلم ما تحب لنفسها ..تتخيل نفسها مكان أي أحد يغلط عليها بعدين تحكم وتتحكم في أعصابها وتتعلم الصبر والعفو فإنما الصبر بالتصبر والحلم بالتحلم يعني كل شيء ممكن نتعلمه..أنا ما أتفلسف بس بحكي لكم قصة وحدة أحبها وأعرف أنها ذهب نادر والله أنا أتعلم منها أدعوا لها يا بنات أن الله يرزقها الذرية الصالحة..


    أبغى أعطيكم نبذه عنها عشان تعرفون أن كل شيء ممكن نتعلمه..هي بنت حليوة شياكه مره من عيلة ميسورة رقيقة راعية مدارس ما عمرها شافت تجمعات ولا طلعت من بيت أهلها حتى ما عندهم مره أخو عشان أقول عندها خبره إذا أحد تكلم بصوت عالي فوق رأسها تبكي مره المدرسة هزاتها - ملخبطه بالأسماء انهارت – من كثر ما هي محترمة المدرسة ما قدرت ترد عليها أن مو أنا.. هذي هي صديقتي بإختصار..


    تزوجت رجال مو من أهلهم ما تعرفهم لا من بعيد ولا من قريب طلعوا لا ناس متعلمين ولا شيء بس الرجال تمام بس جلف وتقول من أول يوم قلي بتزوج وثاني يوم أطبخي شكلك ما أنتي متعودة على الطبخ تقول قلت له هذي طلبات بيتك ناقص كذا وكذا إذا كملتها تبشر تقول ما صدق ووداني السوق وقضي وكل ما حط يدي على شيء قال هذا عند أهلك مو عندي تقول حسيت بغصه بحلقي وش إلي طيحني فيه


    تقول يعني بعد العز كذا بيعاملني تقول الرجال كل ما قلت زانت أموري رجع أشد من قبل طبخي أعجبه و أنا أصلن أحب الطبخ ..تقول أروح بيت أهلي دموعي في عيني بس أبوي لو أقوله أخاف أطيح من عينه خصوصاً أن زوجي من عائلة كبيرة و أهل ديانة و أخوي يوصيني دائم عليه ويقول زوجك رجال ينشد به الظهر و أمي دائم مريضة ما أقدر أزيد عليها وهي فرحانه بزواجي..تقول أهله أطيب شيء أمه على فكرة أمه بس هي إلي صديقتي حبتها بس بناتها تقول ذول حريم ما عدهم غير فلانة وعلانة تقول البيبي الصغير من عيال أخوانهم يفصفصونه فصفصه عيونهم تأكلة أكل تقول مره صار كلام ونقاش حاد تقول أنا بحسن نيه تدخلت وثارت أخته في بدون مبرر تقول أنا أخذت نفسي وقلت أنا بروح أصلي تقول ضاقت بي الوسيعه هو من ناحية والحين أختة تقول صليت و دخلت الحمام تقول بكيت إلين خلصت ورجعت للجلسة كأن شيء ما صار تقول في ذيك اللحظة قالت لنفسي هي كبيرة وعمتي طيبه معي وش أبغى بها معاً الكل لاحظ إنها ما لها حق علي بالأصل ما صدق أرجع بيتي إلي عمري ما تمنيت إن أرجع له لي الحين شهرين من زواجي ما كلمت زوجي طبعاً.. أصلاً أنا من البداية قلت له سوالف الحريم ما لك شغل فيها و أهلك فوق رأسي أنا على كذا تربية طبعاً هو كان معي محترم بس جلف..


    بعد أسبوع تقابل هو و أختة الله يسامحها تقول طبعاً هي أخذته وقالت له كل شيء صار وراحت تبكي و تقوله أنها ملقوفة والمفروض إنها ما تدخل في شيء ما يخصها وإنها خافت إن صديقتي تغيره عليها تقول طبعاً زوجي كرجل شرقي أعجبه الموقف وقلها والله ما قلت لي وهذي سوالف حريم وما له شغل فيها... طبعاً هي أنصدمت برده حتى أنها ما صدقته أن ما عنده خبر


    تقولي صدقتي زوجي من يوم تزوجته كان ينزلني عند أهله من العصر ما يرجع يأخذني غير الساعة 12 بالليل تقول حتى أمه تقوله فضحتنا فالبنت هذي عروس مو كذا ترميها و تروح مع خوانك بس لا حياة لمن تنادي..


    تقول ذاك اليوم بعد صلاة العشاء جاء وخذها من عند أهله تقول دخلني البيت ولا نطق بكلمه تقول ضمني بحنيه ما صدقت أنها فيه تقول حتى إني رحت أبكي من غير سبب وهو يبكي معي ويبوسني ويقول سامحيني والله أنك ترفعين الرأس و إني ما أستاهلك ليش ما قلتي لي أنا ما أرض أحد يهينك و أنتي عندي..


    تقول أنا كنت زي الأطرش في الزفه تقول بعدين فهمها الحكاية تقول ما كنت أتوقع أن هذا شيء مهم لأني صابر عليه هو تقول من بعدها تغير و كأنه إنسان ثاني ذيك الليلة أول مره أشوف فيها البحر معه تقول سهرنا و حكى لي ليش كان معي كذا تقول وسامحته تقول أحياناً أذكره بلي كان يسويه في قبل ويقولي يا كثر ما صبرتي علي تقول صبر شهرين خلى حياتي عسل الحمد لله تقول الصحابة رضي الله عنهم كانوا يقولون وجدنا لذيذ عيشنا بالصبر حكاياتها كثيره مره بس والله إني دائم أستفيد منها.. بس هذي الحكاية أنقذت زواج كامل..الحين أخته هذي ما تشوف مثلها..يا بنات أدعو لها..قليل الناس إلي لس ما تلوثوا بالشرو الحسد والحقد..
  2. عاد من عمله متجهم الوجه مقطب الجبين، فتحت ‏له امرأته الباب فلم يسلم عليها و لم يكلمها، لم يغير ملابس العمل كعادته كل يوم، ‏جلس في زاوية و وضع يده على رأسه و راح يتأفف، قدمت له زوجته الطعام فلم يأكل و قال : ‏أعيدي الطعام إلى مكانه فلن آكل شيئاً

    ‏سألته : ‏ما بك ؟!

    ‏قال في ‏انفعال : ‏لا شيء.. لا ‏شيء..

    ‏قالت ‏أرجوك أخبرني فلعلي أستطيع مساعدتك..

    ‏قال : قلت لكِ لا شيء..فدعيني و ‏شأني..

    ‏تلطفت ‏معه أكثر و قالت : ‏أنا زوجتك و صاحبة سرك ، فلمن تبث همك إذا لم تبثه لزوجتك ؟

    ‏تشجع و قال : و ‏بماذا تستطيعين مساعدتي ؟

    ‏قالت أساعدك بحياتي لو أردت ‏، و هل عندي من هو ‏أغلى منك ؟ فقط قل لي ما الذي أزعجك ؟

    ‏قال : قانون أصدرته الحكومة هو الذي ‏أزعجني..

    ‏قالت : ‏و ما دخلك أنت ‏بقوانين الحكومة ؟!

    ‏قال : القانون يقول : يحكم بالإعدام على كل رجل لا ‏يتزوج على زوجته..

    ‏قالت : ‏و هل يزعجك يا حبيبي أن تموت شهيداً ‏؟!!!..
  3. أسيرة المشاعر
    موضوعك حلو وخاصه قصه العريس حق السمك يوم ااخذ الريحه معه الى البيت الجديد هههههههههههههههههه بس لو نجي نناقش كيد النساء بيقفل المنتدى هههههههههه :mad::30: على العموم الله سبحانه وتعالى خلق كيد النساء واستعضمه كما في الايه "ان كيدهن ع…

تابعي تجارب أخرى من هذا القسم.