كيف تعاملين اخوات زوجك ؟

أنا مع المثل المصري اللي يقول :
" امشي في السليم يحتار فيك عدوك"

انا راح امشي على الصح واحط في بالي خوفي من الله لا اظلم ولدهم ولا اظلمهم

وانا مقتنعه بالكلام هذا جدا لأني مطبقته مع زوجي ومع أهله والحمدلله ما بيننا إلا كل خير

ولو لا قدر الله صار شيء يعكر صفو حياتنا فوقته ما أشن هجوم عسكري لا أصبر وأحتسب الاجر وسبحان الله على طول اشوف اثر الصبر والاحتساب ... ولا اشكي همي إلا لربي وهو القادر على حل المشكله أما اني ادخل العالم في مشاكلي واكبر الموضوع فلا والف لا..

شكرا لك يا مفارقة زوجها الله يجزاك خير على مثل هالمواضيع :)

نعم الراي.. الله يحفضك ويسر لك الزوج الي يعرف قدرك.
حركتو المواجع .
عندي مرت اخو الله يصلحها ياليتها تعرف شي من السنع اكرمناها وخليناها وحده منا وما فيه جمعه الى اهي مرتزه فيها معنا .ومن ورانا تقول كلام ما ينقال ووتقول لخوي كلام فضيع .لدرجه انها تقوله ان تجيها رسايل من ارقام مجهوله .
وتقوله ان الرسايل تجي من خواتك . الغيره تذبح

ربي يسعدك ان شاءالله من ذوقك حبيبتي

وانا صغيرة كنت أشوف دعاية بالتلفزيون عن وحده قلقانه وقاعدة تطبخ ومختبصه ومدري مين يسألها وتقول اووه حماتي جاية تتغدا عندي اليووم وتشوفينها لما حطت السفرة على اعصابها تبي الحماة تذوق وتحكم هههههههههههههههههههه

إرضاء الحريـم غايـة لا تدرك هذي أكبر عبارة ابي اعلقة على برج المملكة

طبعن مجتمعنما العربي والخليجي عنده علاقة زوجة الولد واهل الزوج تفتح عليها العيون وكلن يحسّب

امه / مستحيل اتكلم عليها بكلام شين عند ولدها لو ايش ما سوت لي اسولف لامي خواتي يساعدوني ممكن
لكن ولدها هذا اكبر خطـأ لانه بيوقف مع امه وحتى لو كانت غلطانة بتحز بخاطرة اتكلم عنها

مستحيل اشيش ولدها عليها ليه ؟ لان اتذكر امي حبيبتي وتعبها على اخواني وكيف يضيق صدرها لو زعلوها وان شاء الله انا بصير ام واعرف انه شعور شين

لكن مستحيل احبها او اعتبرها زي امي لو ايش معلييييش ، الام محد زيها
محد قلبه عليك زي امك
احترام تقدير هذا نقدر عليه لكن حب لا طبعا




أما خواته كل وحده على حسب تعاملها اذا حليلة ولا تحب تتلقف اقرب لها اكثر
اما وحده ملقوفه وكل شي تبي تعرف عنه وتسألك وتسأل زوجك عنك وعن اهلك هنا اخلي العلاقة رسمية جدااااا ولا احاول اطورها ابد
بس قبل كل شي افهم زوجي اني وحده مااحب احد يتدخل بحياتي او حياة اهلي بشي واتكلم بشكل عام
هو كيفه مع اهله لكن انا مااحب اللقافة ابدن زي ماانا ماابي اعرف اخبارهم الدقيقة ابي منهم نفس الشي

ولدهم يروح لهم بكيفه ويسوي اللي يبي لهم لكن شي يخص حياتي معه هنا ستوب
بعض الحريم اذا كان اخوهم مو مقصر بحقهم ابد لكن جت مرة وغلط او تأخر حطوا اللوم على زوجته ! بجد ليش ؟
لهم حق بولدهم على عيني وراسي لكن زوجته وعياله لهم حق عليه بعد


اكثر شي ارحمه ام الزوج خاصة لو كانت حليلة وطيب قلبها :(


والوحده تحاول دايما تتذكر ان الدنيا قصيرة والعمل محسوب و الوحده تحاول تحتسب الأجر من الله في اكرامهم والاحسان اليهم مو عشان يعاملونها بالمثل

كلامك صحيح أختي ماذا بعد
حياتي الخاصة ممنوع التدخل
وأنا أحث زوجي إنه يخدم أهله
ولوطلبوا مني خدمة ما أقصر
لكن هم حبوبين ويستحون يطلبون مني شي