شاركي في النقاش

سجلي الدخول لإضافة تعليق.

التعليقات

1,293
  1. @hodhoda

    كدة يا كهرمانة
    تيجى منك انت اللى تسيأى فهمى وتفتكرى انى مش عاوزة اقول لكم علشان الحسد!!!!!!!!!
    معلهش
    بس انا مضطرة اشرح لكم الموقف علشان تعذرونى كلكم لو التفكير ده كان فى دماغ اى حد تانى
    بصوا يا جماعة يوم الجمعة اللى قبل الجمعة بتاعة كتب كتابى على طول خطيبى كان بيزورنا علشان يشوف فيديو خطوبة اختى وهو عمل موقف حلو قوى معايا انه وقف جنبى لما اخواته زعلونى وكمان اشترى كل اللى انا عاوزاه
    وكمان استحمل ماما لما زعلته وجيه يزورنا برده
    ماما كانت مبسوطة منه جداااااااا وبعد ما مشى اعديت تشكرفيه طول الليل وبعدين على الساعة 2 باليل كدة قالت لى ماتيجوا تكتبوا الكتاب
    انا فرحت جدا وطبعا ما صدقت تيجى من ماما وقاعدنا نرتب سوا وقولت لها انا كان نفسى اعمل حاجة فى تاريخ 5 / 5/2005
    وقلت لماما خلى كتب الكتاب فى اليوم ده قالت لى طيب ونكون استعدينا بس قلنا هانعمل حاجة على الضيق جدا فى البيت بحضور مامته وباباه واخوه وخاله وخالى واخوتى فقط
    طبعا انا كنت مترددة لانى قلت لكم انى باحلم يكون زفافى كله فى مشيخة الازهر من الاول للاخر وبعدين اروح على طول
    بس قلت مش مهم احنا نفسنا فى الخطوة دى من زمان على الاقل علشان كنت باستحرم جدا اطلع اتفرج على الشقة معاه واحنا لوحدنا وما حدش بصراحة فاضى لنا قوى
    المهم كلمت خطيبى تانى يوم الصبح فى التليفون وقلت لى
    تصدقوا حلف لى انه كان جاى اصلا يفاتح ماما فى الموضوع ده بس شريط الفيديو اخد كل وقت الزيارة وكمان هو عارف حلمى فى الترتيب للزفاف فقال اصبر بقة وخالص
    وتصدقوا كان يوم السبت قال لى نكتب الكتاب بكرة اقعدت اقول له بكرة يا محمد ما ينفعش قالى يبقى بعد بكرة!!!!!!!!!
    المهم طبعا ماما واخويا قالوا لا خليها الخميس واتفقنا على الخميس لانه اجازة
    المهم علشان ما اطولش عليكم على يوم الاربعاء بس قررنا اننا نعمل فى المشيخة علشان خطيبى كان عاوز يحقق حلمى وطبعا رحنا نحجز مالقيناش مكان وحجزنا قاعة ما حدش بيحجزها بس الحمد لله كانت جميلة جدااا وكبيرة وهو عزم كل الناس يوم الاربعاء بالليل والخميس الصبح
    وانا كنت فى دوامة رهيبة بين الترتيبات للموضوع لما كان فى البيت وبعدين فى الجامع وكمان كان عندى شغل رهيبببببببببب فى الوزارة
    وتصدقوا 3 ايام بلياليهم ما نمتش غير ساعتين بس وفى الفرح كنت عاوزة انام جدااااا
    وعلى فكرة مالحتش اعزم اىىىىىىىىىىىى واحدة من صديقاتى غير صديقة واحدة بس زميلتى فى العمل وواحدة تانية ساكنة جنبى عزمتها فى حوش العمارة. هههههههههههه
    وحتى المناسبة اللى كنت باقولك عليها يا mashmash هى فرح اخت صحبتى كان برده يوم الجمعة بس طبعا ما رحتش.
    اسفة جدا على الرغى ده
    بس زعلت قوى انكم فهمتونى غلط
    وانتم كدة تبقوا ما تعرفوش معزتكم فى قلبى
    والف شكر تانى لكل اللى قالى مبروك ودعا لى
  2. @hodhoda

    الله يبارك فيكى ويسلمك يا علا

    لله يبارك فيكى يا mashmash
    وياريت تقرأوا حكايتى وتعذرونى انى انا اصلا ما كنتش اعرف والله العظيم ومن يوم ما عرفت ما لحقتش ادخل على الصفحة اصلا وربنا وحده هو اللى قدرنى انجز ده كله فى زمن قياسى
    وعلشان كدة توجهت بالشكر ليكم
    مااكدبش عليكم انتم احزنتونى جدا بفكرتكم دى عنى
    استغفر الله العظيم الذى لا يغفل ولا ينام
  3. Hodhoda

    ليه بتقولي كدا
    لازم تفرحي دول يومين حلويين اوعي حاجة تزعلك مننا
    وعمر ما واحدة فينا تفكر تضايقك بالذات اليومين دول
    يمكن زي ما المصريين بيقولا من عشمنا فيكي وmashmash مش ممكن تسئ فهمك
    يا شيخة كان نفسنا نفرح معاكي بس مش ممكن حد يسئ الظن بحد مفيش اي حاجة بينا تخلينا نفكر كدا
    ابعي الافكار دي عن دماغك ويالا اخفظي اعنية ماتزوقيني ياماما قوام يا ماما ومتخليش حاجة تنسيكي فرحتك
  4. @hodhoda

    الف شكر يا مارون على الوصفة
    وان شاء الله هاجيب كل مكوناتها النهاردة وانا مروحة واجربها على طول لمدة اسبوع باذن الله (اصل انا عاملة ده اسبوع التجارب هههههههه)
    والحمد لله ان كل مكوناتها سهلة
    فاكرين الست الاسوانية اللى قلت لكم عليها قبل كدة لما سالتها بتعملى حمام العروسة اذاى قالت لى حاجة احلى من الحمام المغربى وقالت لى مكونات شبه دى
    بس طبعا ما قلتش الوصفة كاملة علشان ما اعملهاش لوحدى
    ربنا يخليكوا لية
    وجزاكى الله خير يا مارون ورزقكى بالذرية الصالحة التى تقر بها عينك
  5. @enna

    السلام عليكم
    انا اينا وبشكركم كلكم على تعاونكم وترحيبكم بيا بس حبيت اشكر don لانها اول من رحبت بيا وبقولها لو تبعتي على الخاص اسماء المحلات او منين انا مصريه بس معرفش اشتري منين
    تانيا الاخت العزيزةtamatiaa ميرسي جدا لانك رحبتب بيا بس احب اقولك انا اساسا بلبس اسبور معنديش اي استعداد ابدا بالعبايات وبالذات انها سوداء
    2- انتي صحيح تسمعي ان الامارات فيها عبايات فلعا بس غاليه نار نار وبعدين البس العادي هنا اسبور زياده عن اللزوم يعني هنا تحتاري ولو لقيتي حاجه حلوة بتكون غاليه جدا ز
    وبشكر كل الي رحبوا بيا وانا نفسي اعمل مشروع اني لو حد عاوز مثلا اي حاجه موجودة في الامارات ومش موجودة في مصر زي الاوبسون او اي شئ ونستفيد سوا معنديش مانع خالص واي معلومات عني ممكن ابعتهالكم للتاكد وشكرا ومتنسوش تدعولي بكرة جوزي عندة ماتش مهم ادعولي ربنا يكرمه ويفوز لانه بينكد عليا نكد لو فريقه اتغلب وادعو الاولادي الي مغلبيني عمر وعلي وشكرا ودعواتكم بقه

تابعي تجارب أخرى من هذا القسم.