طلب عاجل لمحلات سيراميك بالبحرين و الشرقية



السلام عليكم اخواتي العزيزات..

انا عضوة جديدة على منتدكم المميز الذي بفضل الله ثم بمجهودكم و ابداعكم استمديت الكثير من الافكار الحلوة لبيت العمر.

انا الان في التشطيبات النهائية و اود مساعدتكم لي في:

محلات بالمنطقة الشرقية و البحرين لبيع سيراميك و اطقم الحمامات ( اعزكم الله ) و بورسلين و سيراميك لكافة ارجاء البيت وتكون اسعارها مناسبة مع العنوان و الوصف بدقة لانني لا ادل السوق جيدا بالسعودية.

ولكم مني الف تحية
:27: :27: :27:

10 تعليق 6,764 مشاهدة

شاركي في النقاش

سجلي الدخول لإضافة تعليق.

التعليقات

8
  1. صاحبة الموضوع
    []وينكككككككككككككم يابنات محد رد علي.. اللي ما تعرف تسأل زوجها ..اهلها..صاحباتها..

    تكفون ضروري..العمال ناطرين السيراميك.


  2. شوفي اخذيها عن خبرة
    احلى السيرامك بالبحرين عند السيار غالية اشوية بس حلوة حلوة مع البلاط بلاط الحمامات عندهم حلوو وايد

    عندج صلاح الدين ماادري شسمه مو مذكرة بس اهو وانتي يايه من منطقة البلاد رايحة السلمانية وايد حلوو السيراميك عندهم واسعارهم حلوة

    اشوف العالم تاخذ من محلات اسمها دلمون على ما اعتقد نسيت اسمها مو متأكدة اهي حلوة اسعارها بس صراحه ما عجبتني


    شوف اختي اعرف ناس يوم قامو يبنون بيتهم ما خلوو مكان بس الاحسن والافضل تلاقينا بسعره وعندنا

    الله يجعله بيت مبارك
  3. صاحبة الموضوع


    مشكورررررررررين على الرد ... ما قصرتوا

    جعله الله في ميزان حسناتكم.

    خواتي اللي ادلي محلات الملحم ( النخبة ) للسراميك و محلات الدهّان ياريت تسأل و تعطيني العنوان .. الهاتف.. المحلات المجاورة..




    اختكم من البحرين

    rahooofa
  4. @fulla_1

    هلا اخت رهوفه الله يساعدك على اللف على محلات السيراميك صراحة هذه اصعب مرحلة احسها في البنيان من خبرتي في المحلات لانه تونه انا وزوجي مخلصين من سيراميك المطبخ والحمامات والان ندور على الارضيات بما اني لفيت معظم المحلات كذا مره بالنسبة الى الحمامات الله يعزك بتشوفين في محلات كالتالي

    في ستره
    الشهاب عنده اشياء حلوه
    القصر الانيق يجيب من الملحم الذى بالسعوديه لانه رحنا الملحم الذى بالسعوديه وشفنا معظم البضاعه موجوده في البحرين بس لان محل البحرين ما يوسع لكل البضاعة الموجوده في السعودية هنا اق وعنده ارضيات ليزر كت ما تحصلينها في المحلات الثانيه اخذت من عنده الى حجرة النوم توه مسوى تخفيض ليزر كت سيمي مات يعني في مسحة لمعه لغرفة النوم روعه صراحة وكان سعر المتر 7 دينار تقريبا والان سعره 9 دينار
    وكمان اخذت من عند سيراميك حمامات

    المؤيد صراحة عنده بضاعه حلوه واخدت من عنده حمامين روعه ولا تخافين من السعر لانه سعرة بعد التخفيض الذى بيعطيك اياه نفس اسعار المحلات العاديه بس صراحة عنده اشياء حلوه وفيها ذوق وهذا اللي يحضرني

    والله يساعدك مره ثانية

    ياريت بنات البحرين يشاركون لانه الذى يبني يحتاج الى النصيحه
    :(
  5. محلات الملحم والدهان موجودين في الدمام بمخطط75اذا رحتي اسئلي
    عن مخطط 75 معروف ومافي احد مايدله وهو كله شارعين وكلهم محلات سيراميك
    بس بصراحه عندهم اشياء حلوه وباسعار مناسبه جداً .. يعني لو انتي شاطره وتعرفين تنسقيين بتطلع عندك حمامات ومطبخ ولا اروع بس بعطيك نصيحه
    اذا كنتي بتخلين نفس المحل يركب لك سيراميك انتبهي مو كل المحلات تركيبهم نظيف
    خلي واحد شاطر بالتركيب يركب لك اياه لأن نظافة الشغل لها دور كبير ..
    انا توني من 6 شهور مركبه من عندهم سيراميك مطبخ لللأ رضيه بصراحه طلع
    حلو كثير اخذته من محل اسمه العبيدي وهو نفسه اللي ركبه بس تركيبه نظييف
    ماعليه كلام ..

    وبنصحك نصيحه ثانيه بالنسبه لللأختيار لا تختارين سيراميك خشن او فيه حزوز كثيره بعدين بيتعبك كثير في التنظيف وراح يعتق بسرعه وماتتهنيين فيه

    قبل لاتختارين شي مرري ايدك عليه وتاكدي انه من النوع اللي ينظف ومايعلق فيه
    الوصخ ..
    اختاري انواع مطفيه بس تنظف والمطفي دايما يطلع احلى في التركيب بالنسبه
    للحمامات والمطبخ

تابعي تجارب أخرى من هذا القسم.