حبوب ريداكتيل للتنحيف

ماأنصحك فيها
أنا جربتها صحيح نحفت عليها بس مسحت الذاكرة عندي صرت أنسى كثير
واللي نحفتة بـ 3 شهور رجعتة بشهر
وبعدين تسبب إكتئاب وجفاف
خليك على الأشياء الطبيعية احسن لك
عندك عصير كيوي واناناس اشربية ولا تتعشي يعنى يكون بدال وجبة العشاء مررة يجنن

اشربي مغلي الكرفس يمدحونة مرررة أو حطي الكرفس مع السلطة
أنا أن شاء الله بجرب مغلى الكرفس واشوف النتيجة با اذن الله
ما أنصحك والله صحتك اهم شي

حبوب ريداكت هذي قريت عنها بالنت ووحده تبيعها ويقولون مصرح بيعها في دول سوريا وهي صناعتها سوريه
للحين مانزلت بالسعوديه
فكرت اطلبها لكن الكل هاجمني ومنعني محد ينصح بالحبوب مدري ليش معقدين الامور كذا :(

ررررررررررررفع

والله سمعت انها تسبب اكتئاب وخفقان في القلب خفت منها وانتى اذا معاكي اوكي استمري عليها والاخت اللي تقول تفقد سؤال
لا الحبوب هذي تزيل الدهون اللي بالاكل ما تزيل السؤائل

هلا اختي
ليش تستخدمين هذه الحبوب ؟؟؟؟
يا اختي العزيزة اولا بقلك من الناحية الطبية لاني طبيبة
و من الناحية الثانية اني جربتها و اخواتي و صديقاتي جربوها
طبيا هذه الحبيوب ممنوع صرفها الا بوصفة طبية للي عندهم بدانة مفرطة جدا .. يعني اكثر من 50 كيلو زيادة عن الوزن الطبييعي
لازم قبل اخذها يتسوى تحاليل في المستشفى ..
تحاليل دم ، مستوى السكر ، هرمون الغدد الدرقية ، تحليل بول ، وظائف الكلى و الكبد
مع متابعة مع طبيب و رجيم خاص و رياضة
الحين نيجي لطريقة شغلها
هي ما تاثر في الدهون و لا السوائل و لا تذيب الدهون و لا تطلع السوائل و لا اي شي من هذا
كل اللي تسويه انها تؤثر على مركز ضبط الشهية و الجوع في الدماغ بتثير اشارات الشبع يعني بتصيري تحسي بالشبع اسرع من اول و تاكلي كمية اقل من اول . يعني الحبة بترسل اشارات للدماغ انك شبعانة بعد ما تبداي تاكلي بفترة بسيطة ..و كذا بتقللي من اكلك .. لكنه ما يعطيكي احساس دايم بالشبع و انك ما تبغي تاكلي
بعض الناس هم ما يقدروا يقرقوا بين الجوع الحقيقي و الجوع العاطفي او المرتبط بعادات خاطئة
مثلا في ناس هي ما تجوع بس اذا شافت الاكل حبت تاكل .. او لما تعصب او لما تحضر تلفزيون هنا ما ياثر عليكي لانه انت بالعادة في هذه الاوقات ما تشعرين بجوع و تاكلين و نفس الشي بريداكتيل تضلي على عادتك تاكلين من غير جوع الفرق انك بتشعري بالشبع في فترة مبكرة شوي

الدواء الالماني احسن شوي من السوري انه مضاعفاته الجانبية اقل شوية .. السوري لااا انصح به ابدا ابدا ابدا و بعد شوي بقلك ليش
من مضاعفات ريداكتيل : الاكتئاب جفاف الفم الصداع الارق زيادة في خفقات القلب زيادة في الضغط تاثر الكلى
هذا الدواء في امريكا و اروبا ممنوع صرفه الا بوصفة الطبيب لي عندهم بدانه مفرطة مثل ما قلت بس في دولنا ينصرف عادي و كذا خطر ما انصحك فيه ابدا ابدا ابدا
و اذا بديتيه لازم تبداي ب 10 مليغرام بعد ما تخلصي العلبة تصير 15 مليغرام حبتين في اليوم لازم تاخذيها على الوقت بالضبط و ما تقطعي الدواء من نفسك لازم العلبة تتكمل و ما ترجعي تاخذي علبة جديدة الا بعد شهرين من اخر وحدة
اما عن تجربتي انا استخدمته 20 يوم نقصت عليه 8 كيلو .. مرة بالليل جت انام عادي فجأة صار معي تسارع بضربات القلب لدرجة حسيت انه قلبي بيطلع من اذاني ووقفته فورا .. صديقتي نفس الشي و اختي حبيبتي .. و للحين و بعد 3 سنوات تجيها هذه النوبات فجأة الله يشفيها . و صديقتي الثانية جاها الم في منطقة الكلى و ما ادري راحت فحصت و الا لا .. و احنا كلنا صغار يعني كنا 21 و 20 سنة ما عندنا اي امراض

انا قلت الي علي اللهم اني بلغت اللهم فاشهد و انتي حرة باختيارك
و الله ينحفك بصحة و عافية