إيه البلاوي اللي تتحدف علينا سعودية إدخلي الله يعافيك .......

السلام عليكم


خواتي الكريمات


أمس كنت قاعدة أقلب القنوات وبالصدفة لقيت قناة غريبة

عجيبة

ماهمني برامجها لأنها ماتعتمد على البرامج كثر ماتعتمد على شريط الشات الخاص فيها


تخيليوا من اللي قاعدين يكتبون ربع الفقيه اللي على باله بيصلح الدنيا هو وربعه الله لايبارك فيهم


المشكلة مو هنا المشكلة السب الحقير اللي يقولنه عن بلادنا

وإذا رد سعودي عليهم شوفوا التشفير نص الكلام مشفر مع إن كلامهم مافيه شيء

أما إن رد إصلاحي وإلا واحد من هاللي يكرهون ديرتنا من أبناء العروبة على قولتهم وأنصار أسامة


كل الكلام موضح مايشفر إلا كلمات بسيطة بس تفهمين المعنى يعني كأنهم ماسووا شيء

طبعا مسحت القناة لأني إنقهرررررررت منهم


والأدهى والأمر رجعت لقيت القناة موجودة >>> على نفس التردد فيه قناة أطفال إخواني يدخلونها :42:


وحاطين برنامج ومذيعة وسالفة من اللي يفجر العراق

والمتصلين المفجرين سعوديين وإن السعودية بمامعناه هي اللي مخليتهم على كيفهم ومن هالحكي اللي يسم البدن والمذيعة كنها مذيع الجزيرة فيصل قاسم تتميلح الحكومة السعودية مالها دخل شوي تحورف بالحي كأنها تقول وشلون هالتفجيرات تصير من أفراد أكيد وراهم ناس كبار


بالله قناة مثلها ليش ماتمنع من السعوديه


مثل مامنعوا قنوات الدجل والسحر

هذي نفس الضرر تدعو إلى شق عصى الطاعة


مراح أكتب إسمها عشان ما أخذ ذنبكم


وودي أعرف رقم المسؤل عن منع مثل هذي القنوات



أنتظر ارائكم

38 تعليق 3,503 مشاهدة

شاركي في النقاش

سجلي الدخول لإضافة تعليق.

التعليقات

36
  1. حياك الله أبلة تاريخ
    لك وحشه ياشيخه وينك
    بالنسبه للقنوات المذكوره ترى كله حسد وضيقة عين
    الله يديم علينا نعمة الامن والامان
  2. @my_my11

    كبري راسك اختي

    امسحيها وخليهم يكلمون انفسهم

    محد درى عنهم اللهم اكفنا شر الفتن والمسلمين
  3. @hajoory

    كل شي على راس السعوديه
    منقهرين منا ؟

    ناس منحطه عندها نقص مغتاره الله يحط كيدهم في نحرهم

تابعي تجارب أخرى من هذا القسم.