آخر شي اتخيلته اني اصاب بهالمرض:11retcher لكن لا حول و لا قوة الا بالله اخذته من ولد اخوي اللي ياي من العمرة
و الحين لي 3 ايام طبعا اول يوم كنت واااايد تعبانة بس الحين اهون الحمد لله
بس اللي صدق امتعبني اني ما اقدر اشوف عيالي بعاد عني وديتهم بيت اهلي
اخاف يتعادون ... الوحدة ذابحتني و بعد حالات الحمى اللي مب طايعة اتخووز
دعواتكم خواااتي
بصييييييح:29:
في اخوات وايد راسلوني عالخاص يبون يعرفون الاعراض عشان جي قلت احطه اهني احسن عشان الكل يستفيد
اول شي آلام في الحلق استمر لمدة يوم كامل و انا حاولت اقاومه بالليمون و اليانسون والعسل و الزنجبيل بس ما كان في فايدة ثاني يوم زكمت و ارتفعت حرارتي كثيير يعني 40 كنت آخذ الادول كل اربع ساعات مع لوعة و انسداد الشهية و صاحبت الحرارة آلام في الجسم مثل آلام الرضوض و بس يعني مثل اعراض الزكام العادية بس اشد
بس الاعراض هاي اطول اكثر من المعتاد اذا ما اخذتي العلا ج اللازم لانفلونزا الخنازير و الي هو تامي فلو و هي عبارة عن كبسولات مرتين في اليوم بالنسبة لي الدوا لما آخذه احس بضيق في التنفس تقريبا 10 دقايق و هذا الشي وايد متعب ..
واي سؤال ثاني انا حاضرة
و الله يشافي الجميع
احبكم في الله و شاكرة اهتمامكم
الموضوع مغلق