ولدي يضربنا
هلا بنات
انا عندي ولد عمره سنه و4 شهور
بكري وطبعا تعرفون وشلون اعامله :)
بإختصار هو مركز اهتمامي وحنا (يعني انا واهلي)
من النوع اللي نبين الحب لعيالنا
يعني بوسات واحضان والعب معه وما اقصر عليه بشي
من اكل والعاب واهتمام
هالشي يلاقيه مني وابوه واهلي كلهم
له فتره الله يهديه ويصلحه يضرب اللي يشيله
يعني يكون عندي فجأه يخبط فيني ويضربني
نفس الشي يسوي في ابوه وفي اخواني
حتى الشغاله ماسلمت منه
يضرب الله يصلحه ويهديه
وانا حقيقه مستغربه هالشي عمره ما انضرب
حتى لو بالمزح
ولا حتى قد صرخنا بوجهه
يعني محبوب الولد ليه انقلب عدائي لهدرجه!!
من الطرق اللي جربتها معه اني اعاتبه - اهاوشه-اضرب يدينه على خفيف
لو كان في حضني احطه على الارض واقوله انا زعلانه- اسوي نفسي ابكي بسببه
عجززززت دفش الله يهديه مدري شسوي
وابي اعرف ليه يتصرف بهالطريقه
ياليت اللي عندها حلول او مرت بهالحاله او تعرف وش تدل عليه
تدلني وتقولي
اخيرا الله يحنن قلوب عيالنا علينا ويجعلهم قره عيوننا يااارب