حملة لنتعاون ضد تراكم المواعين في الشهر الكريم

الله يعطيكم العافيه حبايبي ع الردود والحلول المنطقيه

والله ييسر لنا بها الشهر الكريم صيامه وقيامه

وكل عام و انتن بصحه وخير وعافيه...

انا بصراحه انظف كل شيء اول باول حتى لما يكون عندي عزيمه ماشاءالله يكونو الضيوف في والمغسله مافيها ولا صحن بس صحون الفطور وهذي سهله ..انا ماخلص من طبخه الا صحونها مغسوله وممسوحه ومدخلتها الدولاب وبكذا تكون السله فاضيه للصحون اللي بعدها بس هذي السنه الله يكون بعوني مدري ايش بسوي صيام وحمل الله يسهل حملي وولادتي يارب انا وجميع خواتي

انا احب الطبخ بجنون بس اكره المواعين وجلدي بوه حساسيه من المويه المالحه شريت غسالة مواعين شهر مرتاحه من هاجس المواعينننننننننن وتشوفيني ابداع بالطبخ بسبب الغساله الله يجزا الي اخترعه خير اظف كل المواعين به ولا يبقى الا مسح الدواليب والمطبخ

السلام عليكم ..

شهر مبارك على الجميع ...

بصراحه كلنا صرنا نحسب حساب كبير لرمضان والفطار والاكل .. مع أنه هذا شهر صوم يعني المفروض تقل كميات الاكل وبالتالي
مواعين الطبخ وغيره ..
بس مهما كان كلنا تعودنا على حاله الطوارئ هذه اللي بنعيشها في رمضان .... عشان كذا أفضل شي أنه الواحده تغسل مواعين
الطبخ أول بأول وكما قالت واحده من الاخوات لو في عندك بنت كبيره خليها تساعدك على الاقل في غسل المواعين .. وأنتي عليكي الطبخ ..
وكمان ممكن تعملي تفريز وتجهيز لكثير من الخضار اللي بتحتاج منك تقطيع وفرم .. مثل البصل والبقدونس والكزبره وغيره
وممكن كمان تبشري كميه كبيره
من الجبن وتحطيها في كيس في الفريزر ووقت الحاجه تأخذي على طول من غير ماتحتاجي تبشري وتطلعي مواعين زياده
كمان لو ممكن تقللي من مواعين مطبخك ... عارفه أنا في رمضان أعمل عكس اللي يعملوه كثير من الاخوات .. يعني بقلل
من كميه المواعين في المطبخ قدر الامكان .. حتى أضطر أني أستعمل نفس الوعاء مرتين وبالتالي أضطر أني أغسله وأستعمله مره ثانيه وبكذا تقل المواعين ...
أتمنى أني أكون ساعدتك ولو قليلا ..