شوفي حبيبتي ..
ترتيب الغرفة ماهو بالشي الصعب فقط تحتاجين لعمل جرد للغرفة باستمرار لأن تراكم الاشياء اللي ما لها داعي يسبب الفوضى مثلا000
مشكلة الملابس:سوي جرد متكامل على دولابك وكوني حازمة في اتخاذ قرارات بخصوص الملابس الزايدة(احتاجها او ما احتاجها)وجيبي كيس كبير جنبك وابدأي الاشياء اللي انتهت موضتها او مقاسها تغير او ما عادت تعجبك على طول وبدون اي تفكير في الكيس وتأكدي انك ما تخلين الا اللي متأكدة انك بتلبسينها ....وبعدين ودي الكيس لاقرب جمعية خيرية
وبعد كذا رتبي كل شي على حده 00اللانجري لحاله..البديهات لحالها..الشراريب لحالها...الخ وهكذا والادراج المباعة في الاسواق باحجام مختلفة تفي بالغرض..
نجي لمشكلة التسريحة:اذا كنت من النوع اللي يستخدم المكياج باستمرار وتحبين يكون قريب منك على طول جيبي لك سلة وسط حطيها على التسريحة ورتبي فيها المكياج اللي تستخدميه باستمرار فقط فقط... والباقي رتبيه في علبة او سلة في الدرج وخلي لك قارورتين عطر على التسريحة بالكثير وحطي فازة ناعمة عشان تفتح نفسك وبسسسسسس الباقي رتبيه في الادراج على راحتك ....والعلب راح تساعدك كثير في فرز الاشياء
فكرة: لو عندك علب جزم ممكن تستفيدين منها في تجميع الشراريب او البديهات او الاشياء الصغيرة الزايدة
ولو شايفة ان الغرفة ما تستوعب حتى بعد الترتيب طلعي التلفزيون اذا كان عندك والجزم (الله يكرمكم)
وبالنسبة للشرشف حاولي انك دايما تشترين شراشف بمطاط ويدخل تحت السرير مضبوط ويكون مقاسة مناسب يعني شوفي كم مقاس السرير واشتري على اساسه او ممكن تفرشين لحاف وليس شرشف خفيف.
نصيحة: عشان ترتاحين من الملابس الملقاة على الارض جيبي سلة غسيل كبيرة وحطيها جنب الدولاب او جنب الحمام عشان الملابس الوسخة على طول ترمينها فيها وعودي زوجك يسوي نفس الشي عشان ما يتراكم عليك الغسيل واول ما تمتلي غسلي على طول..
غرفة النوم والتسريحة :(
متابعة النقاش، صفحة 3