هلا بالفراولة..بالنسبة للتخفيضات عادة تكون في اخر ديسمبر بعد الكرسمس و في الصيف في اخر يونيو و اول يوليو . و بعض المرات في تخفيضات في ابريل و مارس بس تكون قليلة و على البضاعة القديمة
بالنسبة Shepards Bush او على قولتنا شبر بوش فهو سوق شعبي في ادوات مطبخ، ثياب، قمصان نوم، اكل...الخ و اغلب الاشياء اسعارها مناسبة في مسلمين كثير يبيعون كذا تلقين حجابات اذا بغيتي...بس اذكر من زمان لقيت واحد يبيع سمك حلال ...و كاتبها بعد بالعربي:confused:
هل يستاهل العنوه...همم اذا ماكنتي بعيدة...روحيله و ترا ما يفتح الثلاثاء، الاربعاء، الجمعة و السبت الى الساعة ستة و الاحد للساعة ثلاثة العصر. بس ما يستاهل بس تتعنيله بس..يعني اذا انتي في لندن روحي بس اذا اذا كنتي برة لندن اذا نزلتي لندن و عندك وقت روحي.
و ترى في اسواق كثيرة شعبية في لندن بالنسبه لي..Camden market and Portabello road market تستاهل العنوة..فيها اشياء غريبة و تحف.