السلام عليكم
بناات :icon33: ابيكم تحكمون على الي صار يمكن تنتبهون لشي انا مو شايفته ..اليوم لما جلست الظهر تقريبا الساعه 1 الا اشم ريحة غااااز مو طبيعي الا اشوف الشغاله واقفه عند باب غرفتها (لاني كنت بخليها تروح لامي ولا تدري الساعه كم بالضبط مفكره بتروح بدري ) المهم الا تقولي مافيه يروح تقصد نفسها قلت لها لا مو الحين العصر ..وانا اقول وش فيها هذي مهتمه تروح في العاده عاادي ماتسال وكانها متحمسه المهم رحت انا غسلت والريحه قووويه :09:وبعدين رحت المطبخ الا لقيتها واقفه عند الفرن ( كلنا صايمين محد يستخدم الفرن) الا اقول لها فيه ريحة غاز الا تقولي ايه انا بعد اشم لانه مفتوح راس الفرن الا نطبخ عليه ؟؟ استغربت من الي فتحه ؟؟ وبناتي نايمين ولا فيه احد في البيت ؟؟؟ الا الشغاله وانا كنت موجوده في الصاله للساعه 4 الصبح يعني مانسيته متاكده لو نسيته كان بشم وانا جالسه للصبح لحالي الشغاله كانت نايمه وكذالك بناتي ..وزوجي جلس الساعه 8 عشان بيروح العمل اتصلت له قلت الريحه قويه ريحة الغاز الا يقولي انه قبل لايطلع الصبح متاكد ماكان شي مفتوح ماكانت فيه ريحه بالمره يقولي لانه جلس شوي وبعدين راح العمل والشغاله كانت صاحيه الصبح وانا وبناتي نايمين .. وفرني طبعا فرن غاز والفرار الي حقه مايفتح الا لما نضغط عليه ونفره بعدين يفتح .. وانا متاكده بناتي مالمسوه لانهم نايمين اصلا .. فتحت النوافذ والهوايه ...طبعا على طول شكيت في الشغاله خاصه ان لها حركات سيئه .. وخلاص كرهت وجودها قلت لها روحي غرفتك لين يجي زوجي ولما رجع زوجي من العمل سالها كيف الغاز مفتوح ظلت تحلف ان مو هي الي سوت .. وهو يقول يعني من؟؟ مافيه احد وحنا سنوات عمري ماصار هالشي وش معنى الحين ؟؟ وبعدين ليه هي متحمسه تروح بيت اهلي ؟؟ وليه لما شمت الريحه ماجت لي تدق علي الباب ؟؟ وليه ماقالت شي لما شافتني صاحيه الي قالته تسال متى تروح لاهلي .. انا الي سالتها عن الريحه .. ولما تهمتها ان هي الي سوت هالحركه ظلت تحلف وتبكي ... للعلم باني متعوده على بكائها دايم تبكي ... وش رايكم بنات .. والله شككتني ولاني عارفه وشو الحقيقه اذا لاحظتوا اي شي من الي قلته فيدوني .. او عندكم اي فكره توضح الحقيقه فيدوني الله يجزيكم خير مابي اكون ظالمتها ولاني حاسه بالامان وهي موجوده اصلا احيانا حتى نظراتها تخوف نظرات حقد وحسد ..لكن مادري عن الي صار اليوم ...لو نسيت كان بيشم زوجي الريحه الصبح قبل لايروح العمل ؟؟؟ لاني نمت الساعه 4 الصبح وهو جلس الساعه 8 الصبح ولا فيه اي شي وراح ولا احد في البيت الا الشغاله وانا وبناتي في الغرفه لين جلست الساعه 1 الظهر ؟؟؟ لكن الظاهر هي فتحته لما راح زوجي العمل وانتظرت تطلع تروح بيت اهلي .
شاركي في النقاش
سجلي الدخول لإضافة تعليق.
التعليقات
62- احسني الظن فبها واحترسي والله الحافظ
- يابنت الحلال واضح الموضوع شكلها حاقده وتبي تحرقكم سفروها وفكو نفسكم منها بس لاتقولون لها نبي نسفرك عشان ماتسويلكم مصيبه وتخطط لكم احجزو وفاجؤها بالسفر قبلها بساعه تلم اغراضها وتنقلع الله يستر عليكم
الله يعينكم ويعيننا ويكفينا شرهم - وش تبين فيها
واضح انها هي الخدامه مهب صاحيه
اليوم ربي ستر عليك بكرا
ما تدري
والله يحميك يا بعدي وانتبهي لنفسك - لاحول ولا قوة الا بالله
انصحكم بانكم تتصدقون بنية ان الله انقذكم
واظن والله اعلم ان الشغاله بغت تشويكم بالنار الله لايقدر
سفريها وعيشي بسلام مافي بيت فيه شغاله وسلم الا مارحم ربك
الشغالات معروفات بالمصايب وخذيها بالين الين موعد السفر لاتسوي فيكم كارثه
الله يكفيكم شرها - الورد الورد عليك وعلى بناتك وبيتك وزوجك
وياليت تتخلصي منها اريح لك
مواضيع مشابهة
تابعي تجارب أخرى من هذا القسم.