هدايا المولود المادية من ياخدها؟

لا والله انا اعلمه وش جاني من اهلي عشان يعرف الفرق والهدايا كلها من حق الام والحق ينقال عمره ماناقشني من جاب ومن اهدى
ولا يهتم يسأل بس انا الهدايا من اهلي اعلمه فيها واذا جاني شي من اهله اقول له حتى اللي يباركون من اهله واهلي اعلمه لأن فيه ناس ما يباركون فأقول له

الهديـــــــه للام هــــى اللـى تتصـرف فيهــــــا

غريب كلامكم

الهديه بس للمولود وهذا رزقه وجاه

يعني مفروض ما نصرف منها لا ريال لي ولا ريال له

تبقى هديه له

في ناس يقولون هذي للمولود وهذي لك

يعني يثنون هديتك منها

بالعكس اصلا الهدايا تجي للمولود وهو بخيره

والزوج لو اخذ ما فيها شي من قضى لك حبيبتي للودك ومن يصرف بيتك

اللي لي راح تكون لي شي طبيعي

بس اللي تجي للمولود راح نزيد عليها ونسوي عقيقه للمولود


وش فيكم ناسين العقيقه وقيمتها ؟؟

انا كذا اشوف

مفروض تكون هديه للمولود فقـــــــــــــــــط

الا اذا صار فيها استثنائات صح

تكون لي اذا حددوا لي مبلغ

لا غلط تقولين له ربع او جزء من المبلغ

بالعكس قولي المبلغ كامل

وانشريها له وقولي هذي من فلان وهذي من فلان

ليه ما يعرف رزق بنته او ولده

ما عليك من اللي يقولون لا تعلمينه بالمبلغ الصدق

ليه حرام والله وخاصه انه ما يقصر معاك

بس بكون يحتكرها له قولي هي مي لك ولي

هي لبنتك

راح نسوي منها عقيقه واي احتياج لبنتك راح نصرف عليها

وخذيه بالحكمه لا تعصبين

ولاتسوين انك باخله عليه

عيب والله هذا زوجك جنتك ونارك ومن حقه في كل شي ويفرح بفرحة طفله

افتحي حساب الك او لمولودك بالبنك و حطي المبالغ اللي تيجيكي بالبنك
او اطلبي من اهلك انه ما يعطوكي فلوس