صارلي موقف ماراح انساه
رحنا انا وبنتي الله يحفظهاااااااا للمسجد لصلاة التراويح وبيتي عن المسجد موبعيد بس الطريق اللي يروح للمسجد كله شجر ومظلم شوي وانا ماشيه انا وبنتي كان فيه رجال واقف مادري وش يسوي كان ماسك بنطلونه كانه يسكر السحاب المهم شافنا ولحقنا قسم بالله يجري ورانا احس من وقع اقدامه انه خلاص مسكني بنتي ارتاعت وصارت تجري وتتلفت وماسكه يده وانا من الروعه اطلقت ارجولي والله ماتركنا لين قربنا من مدخل المسجد وفص ملح وذاب يممممه من الروعه اللي سببها لنا مادري وشلون صليت حسبي الله عليه .........والله صار الزمن هذا يخوف وماعاد فيه امان ولاخوف من الله كل يوم اسمع قصص اختطاف واليوم عرفت شعور الخوف الله يحميكم ويحمينا من كل مكروه