&& تبين تعرفين طبيعة وشخصية زوجك تعالي اقلك &&

بسم الله الرحمن الرحيم
كيفكم
وكيف رمضان
الموضوع مو وقته
بس كان رد في احد المواضيع عن الرجال
شفت الرد طال قلت خليني احطه بموضوع لحاله
وانا من زمان كان نفسي اكتبه بس ما الله كتب الا اليوم
البدايه قويه لانو زي ما قلت كان رد
وعقلي وقف ويدي تعبت ما فحالي اسوي مقدمه :42:

الرجال وما ادراك ما الرجال
والله كل الرجااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااال واحد
لاتقولون اصابع يدك ولا اصابع رجلك
كلهم طبعهم واحد
من كانو الى اليوم وبكره ولين القيامه
لاتقولون لا في حنون وفي طيب وفي شرير وفي صادق وفي كذاب هذي الصفات صح لكن الصفه الي مشتركين فيها
ما عندهم احساس ابدا
يجرحك عادي
يطنشك عادي
يخونك عادي (الا الي يخافون من ربهم )
صح ممكن يحبك يلبيلك طلباتك ما يستغني بس مو عنك عن الحريم ما يستغني ابد لو يموت
لكن مزاجي بشكل
اي شي انتي تسوينه بحقه طبعا الغلط ما اقصد الغلط الكبير لا (طنشتيه عاندتيه عصيتيه ) حتى لو غلطتي غلط كبير يشوفه يا كبره
لكن هو سوا شي عادي جدا جرحك اش يعني يقلك انتي مره حساسه
عاندك وعصى امرك عادي لان هو رجال ولازم يمشي كلامه عليك
حتى لو غلط غلط كبير عادي هو ولد والشيطان ضحك عليك وما كان قصده
لكن انتي لو شك فيك بس يا ذبحكي او لو كان طيب مره طلقكي (انا مو اقول الكلام هذا يعني ابرر للحريم لا والله بس ابا اوضحلكم )
ثاني شي مشتركين فيه
الرجال يا حريم (افهمو )
ما تكفيهم حرمه وحده في كل شي
لو طرتي السما وقعتي ما راح تلبين كل طلباته واستحاله تعيشين حياتك مقصورة عليه
اكيد عندك اهتمامات نفسك اولادك اهلك
الله سبحانه وتعالى شرع لهم التعدد لان طبع الرجال كذا
انا مره سمعت دوره في التيفي
انو الرجل قادر على تسكين 4 من النساء في قلبه
يعني قلبه فيه 4 غرف
اما المرءه غرفه وحده وبس واستحاله تحب رجلين نفس النوع
لاتقولون ابوها واخوها
الا تحبهم بس قصدي استحاله تحب زوجين ما تجي
ومسوين تجارب اما الزوج يقدر يحب 4 مع بعض
وثالث شي
الرجال فيهم شي من الجمال
حقودين بس ما يبينون الحقد النساء حقودات بس كل يوم تذكره بالشي لين تغثه وفي قلبها مسانحته بس يعني تذكره بتحزنه عليها
اما الرجال يعني لو زعل عليك تجلس في قلبه بس ما يغثك ولا يطلعها
يراكمها في قلبه واستحاله ينسى او يسامح
ولا زعل يجلس يرصها ويتذكرها بس بينه وبين نفسك
ولا وصلت لحد معين رماك وقالك بيباي ما عاد تلزمنيش
ولو بنتكلم لين بكره ما راح نوفيلهم حقوقهم
وفي شي رابع

بس في مصلحت الحريم
انو الرجال اجري وراه يجري منك
اجري منه يجري وراك

اقلكم كيف
طبيعه النفس البشريه
الي يبيك ما تبينه والي تبينه ما يبيك
صح حتى شوفو وانتو صغار الي يبا يلعب معاكي ما تبينه والي تبين تلعبين معاه ما يباك
حتى الكبار كذا
وخصوصا الرجال
والله وعن تجربة كثير من النساء
الرجال الي حرمته مهتمه فيه وتراعيه ومدللتله وطلباته اوامر بيطفش ويهج
والرجال الي حرمته ما تراعيه ولا تحترمه وتعصيه برضو بيطفش ويهج
دايمن الوسط هو الحل
لا افراط ولا تفريط
احترميه ودليليه وطيعيه بس مو على حساب نفسك
حسسيه انو انتي مو عايشه عشانه وبس بطريقه غير مباشره
انتي عايشه عشان عباده الله سبحانه وعشان نفسك ثم عشانه
احترميه واجبريه يحترمك
راعيه واجبريه يراعيك
ضحي ومره خليه هو يضحي
خلي لك اهتماماتك واشغالك
انشغلي عنه ينشغل فيك
وانشغلي فيه يوم ينشغل عنك
وهذي بختصار طبيعه ادم
(مو تجي حرمه تفهم انو لازم تسير قويه وشخصيه وكلامها الي اوامر)
بالعكس كذا انقلبت الايه ولا صار الرجال رجال والمره مره
وكلامي مفهوم
وطالع من قلبي لقلوبكم
وبالمناسبه //
الي موظفه اباها تقرى الموضوع مرتين عشان تفهمه صح .
ومو تجي وحده فهيمه ما شاء الله وذكائها خارق
وتقول انتي تشيشين الحريم على رجالهم وتبينهم يعصونهم
لا والله
طاعه الزوج واجبه
وبرضوا وعاشروهن بالمعروف
للزوجه حق ري الرجل

انا عدلت بعد ما شفت اكثر من وحده فكرت اني متزوجه وزعلانه مع سي السيد
انا يا حلوين لسه انسه <<<<<<<<<<
بس كتبت الكلام من رؤيتي لأخواني ورجال اخواتي وخالاتي وعماتي وقرايبنا وجماعتنا وجيراننا ورجال مدينتنا ودولتنا والعالم كله <<<<<<<<<< حاقده بشكل