تجربة الاخت نعومة بنت مطيرية
ارجع لموضوعى
بالنسبه لى كنت ابى اسجل بنتى الجورى بالحضانه لان اطفالنا الحين مع هالنظام الجديد بصراحه لازم يدخلون المدرسه واهم متعلمين عدل لان الناهج الجديده ظلم لهم بصراحه هذا من وجه نظرى
كلمت ابو الشباب بخصوص الحضانه وكان رافض وبشده ولا بعد انا ابى سايق لانى محاضراتى موبكيفى واهو دوام الله يعينه
شسويت ماكلمته لمده اسبوع كامل واهو حده مستغرب شنو اللى غير راى الحين واهو مايدرى انى كنت امارس عليه قانون الجذب والحين اقولكم الطريقه
كانت عندى نوته صغيره اسجل فيها عبارات بالفعل المضارع
كنت اكتب ولمده اسبوع العباره 14 مره
اليوم انا سعيده والحمد لله والجورى تستعد للذهاب الى الحضانه
جزاك الله خير يابو الشباب السايق محترم الله يهديه لنا يارب
وكنت استشعر الاصوات والحركات وحتى الطريق للحضانه والاشارات وكل شى وكانه مشهد يتصور جدامى بالضبط كنى اعيشهوكنت بعد استغفر بنيه الشى هذا وان الله يسهل الموضوع عنده وطبعا اذكار الصباح والمساء لان انتى تحمدين الله على حياتج سواء كانت حلوه ام لا والله هو القادر انه يغير الاحوال
وكان لما يجلس عندى ويحط عينه بعينى ادعى بقلبى واقول يافتاح افتح بينى وبينه بالحق
وبعد اسبوع بالضبط جان يقولى انا مريت اليوم الحضانه وسجلت الجورى عالكورس الجاى مستمعه ومع بدايه السنه الجديده تكون اولى روضه عندهم 00
تدرون طقتنى البوهه سبحان اللى يغير ولا يتغير
ولانى كل وقتى احمد الله واثنى عليه والحمدلله الله ريح قلبى
جان اقوله انته بالدوم وانا محاضراتى شلون عالجورى منو بيوصلها قالى انا كلمت المكتب بيرون على اذا فى عندهم سايق وراح يردون على باقرب وقت 00
تجاربكم بقانون الجذب << يحتوي على جملة من الانحرافات العقدية والعلمية الخطيرة ~ معدل
متابعة النقاش، صفحة 9
