مابي علاج الدكاترة و ادويتهم.......

السلام عليكم ورحمة الله وبركاته،،


مبارك عليكم الشهر وعساكم من عواده بالطاعه والخير





المهم حبيباتي انا اعاني من شعر خفيف وفراغات وماعرف السبب ،،،



طبعا رحت للعيادة ،، و سويت كل التحاليل اللازمة قوة الدم والهرمونات وتكيس المبايض و قوة البصيلة والغدة الدرقية

والحمدلله كلهااااا طلعت سليمة ،، يعني الحمدلله مافي سبب داخلي ،،


و وصفت لي الدكتورة فيتامينات ،، امبولات ،، شامبو ،، وبخاخ مينوكسديل


استخدمتهم لمدة 3 شهور




اللي شفته من الادوية ::

الشامبو والامبولات حلوين بس مافي تغير كبير،،الشعر ما يتساقط صح،، بس ما نبت شي وايد


المهم اللي تعبني هو البخاخ ( المينوكسديل) احيانا يسبب صداع ودوخة وهذا معروف طبعا،، مع اني قللت الجرعه ،،

بالنسبة لنتايج البخاخ ما شفت الا تغيير بسيط جدا ،، يعني بعده شعري يعتبر خفيف ،،






المهم قررت اترك البخاخ ، ،، دام ما سوى شي ،، واستمر ع الشامبو لانه طبي و زين ما يطيح الشعر،،



وكتبت الموضوع ،، لاني ابي استخدم شي طبيعي ،،، بشو تنصحوني؟؟


للعلم شعري دهني وناعم،
،






ملاحظة :: ما راح ارد على الدعايات

2 تعليق 559 مشاهدة

شاركي في النقاش

سجلي الدخول لإضافة تعليق.

التعليقات

2
  1. @khantny_alamany

    حبيبتي لاتتركين الهير غرو خاصه اذاكانت الفراغات قديمه لاني مره تركته شهرين وانصدمت بالتساقط بخيه بمعدل مره في اليوم واعتبريه مثل معجون الاسنان واذا كانت الفراغات ناتجه عن مرض او حاله نفسيه سيئه فاالبنات مايقصرون معك
  2. @shkayk78944

    صاحبة الموضوع
    هلا الغالية،، الفراغات مو قديمة وايد ،، قبل ما اروح الطبيب صارت لي قبلها بشهرين

    و في فترة هالشهرين مريت بصدمة نفسية والحمدلله على كل حال،،

    وانا وقفته بالتدريج ،،


    ما قدرت يسبب لي صداع و احيانا دوخة


    وتسلمين على مرورج العطر

تابعي تجارب أخرى من هذا القسم.