الكريم كراميل تكفووووووون ماعرفت اضبطه



يسعد صباح البنات السهرانين مثلي


ياابنات تكفوون ابي طريقة مضبوطة للكريم كراميل العادي حق الثلاجة عجزت اضبطه

اخذت كذا وصفة من بنات بس قاااااااااهرني


مو راضي يضبط معي

توني سويته وطلع سايح مع اني مكثرة الحليب

وحاطة قشطة معهم


ماركة الكريم كراميل اللي عندي جرجنز ومعها السكر تبعهاا


تكفوون اعطيني طريقة حلوة ومضبوطة ولذيذة


)))


وبعدي ابي طريقة للمهلبية حق النشاء والجلي



ودي اسوي طبقات مهلبية مع جلي وعجزت او بالاصح اخاف احوس الدنيا


الله يجزاكم بكل خيرر ماتقصرون

20 تعليق 84,158 مشاهدة

شاركي في النقاش

سجلي الدخول لإضافة تعليق.

التعليقات

19
  1. @snoat_aldyaaa_5

    1\كل عام وانتي بخير
    عزيزتي حطي بالك كل ماكانت المويه كثيره مراح يضبط معاكي قللي الماء كل علبة كرامل كاس ونص ماء والجلي نفسه مع التحريك على نار هاديه 5 دقايق فقط والمهلبي حطي حليب بودره وملعقتين كبيره ومليلنه نشاء مع بعض وتكونين غاليه مويه على النار وصبيه فؤق الحليب والنشاء مع التحريك المستمر ونار هاديه الين ماتثقل بس انتبهي ترفعين على النار علشان ميشيط وبعدين حطيه بصحون وبثلاجه بعد مايبرد تقريبن ساعه سوي الجلي بس لاتصبينه وهو حار خليه يبرد برى الثلاجه وانتي تصبين الجلي على المهلبيه خلي ملعقه بينهم وبشويش تصبين على الملعقه وينزل على المهلبيه علشان ماينخبص على بعض وحطيه بثلاجه اقل شي 3 ساعات هادي طريقتي شرحتلك بتفصيل الممل ولو اعرف انزل صور بس ان شاء الله بتعلم
  2. صاحبة الموضوع
    انا حطيت كاستين لكل كرتونة كراميل

    بس معهم قشطة وبيضة وحدة واخذت الطريقة من البنات


    يعني كانت غلط ؟؟


    ياليت مقادير الكراميل بالضبط تكفين
  3. @sly_aal_nbyk

    هلا عزيزتي
    شوووفي هالطريقة لأختنا ام عزيزان
    وهي نفس الطريقة إللي أتبعها ..

    المقادير

    2 باكيت كريم كراميل
    ثلث كاس سكر
    2 كاس حليب بودر
    4 ونص كاس ماء



    الطريقه :

    يضاف الحليب على الماء ويذوب جيدا ونضيف باقي المقادير عليه وكله على النار
    ونحرك فيه لما تختلط المقادير جيدا
    ولما يغلي غليه وحده نسكر عليه
    وطبعا نكون مجهزين القالب وحاطين فيه سكر الكراميل
    ونضيف حليه السائل بشويش ونحطه بالفريز مدة ساعه
    وبعدها انزله تحت بالثلاجه حتى يجمد تماما


    إن شاء الله اكون أفدتك ..
    أما طريقة المهلبيه إن شاء الله البنات بيفدونك عنها لانه ماأعرف طريقتها
  4. @snoat_aldyaaa_5

    مــــايا
    انا حطيت كاستين لكل كرتونة كراميل بس معهم قشطة وبيضة وحدة واخذت الطريقة من البنات يعني كانت غلط ؟؟ ياليت مقادير الكراميل بالضبط تكفين
    عزيزتي ليش البيض والقشطه الحمد لله وشكر اول مراءه اسمع فيه مع الكرميل ينحط ولا سكر لان الكراميل هو حالي مايحتاج اتبعي طريقتي ورديلي خبر لا بيض ولا قشطه خليه عنك
  5. قللي الماء وحطي على الظرف الواحد كاسة ماء واحدة وربع فقط

    وكثري الحليب وراح يطلع مضبوط السر القليل من الماء الكثير من الكريمة والحليب وبس

    مافي قشطة واي اضافات

تابعي تجارب أخرى من هذا القسم.