ياليت كل وحده تدخل تقولي وش شعورها
متابعة النقاش، صفحة 4
شاركي في النقاش
سجلي الدخول لإضافة تعليق.
التعليقات
36- انا بعد عندي اثنين والثالث بالطريق وخايفة مررره الله يسهل على الجميع والشعور ماينوصف انك ولدتي والبيبي جنبك الي حملته تسعة شهور طلع وتشوفينه قدامش شي جميل جدا الله يتمملك ويتمم لي ويتمم لكل حامل على خير ونعيش هادي اللحظة
- انا احس اذا شفته بقعد ابكي سالني زوجي وش راح تسوين قلت اني مراح اصدق ان بصير ام وببكي ههههه ضحك علي يقول حتى بالفرح تبكين
- وانا بكريه كمان ومابعرف شو الشعور بس اكيد شعور رائع رح يكون...بس احتمال ولادتي قيصريه تكون معقول نفس الاحساس بعد الولاده الطبيعيه رح يكون؟
- الله يسعدكم
اتمنى لك ولاده طبيعيه ان شاء الله
ولكل بكريه
عشان تسمع صوت النونو
وتحس فيه
وتشوفه لان الشعور غير
طبعا القيصريه ماتحس بالحظات الله يكتب للجميع الاجر
الحظه ماتنكتب ولا تنوصف
لحظه خروج النونو
تكونين بعالم جديد
فرحه مو مصدقه انك خلصتى
نعم انا اول مولود لى كان طبيعى الحمدالله
طلعت بنتى وحطوها على صدرى على طول
وخفت من الحركه كنت صغيره وجاهله
ولا قد سمعت بالحركه انهم يحطون النونو على الصدر
زين انتى مشاء الله تسمعين وجايه تسالين
شي يخوف مدهش غريب شعور فرح ودموع وتعجب
وتشوفين كائن حى طالع منك
ماتملكين لحظتها الا تقولين
سبحانك
مخرج النفس من النفس
مااقدر انسى لحظه سمعت صوت النونو وهو يبكى
وهو محطوط على صدرى يتحرك ويبكى
من الخوف ماتقدرين تمسكينه
خايفه منه
وخايفه عليه يطيح
سبحانه الطفل الصغير يخوفك ويغلبك
تحسين لحظتها انك مسويه انجاز كبير وعظيم
صرتى ام
وولدتى
هنا تحسين انك انثى ماناقصك شي
بيكون شكل النونو
عاده يختلف عن تخيلك
يعنى يكون عاده اصغر من رسمك له فى خيالك
او تكونين شاريه ملابس له اكبر من حجمه اول شوفه لك له
طبعا شعور المفاجاءه بجنس الجنين الحين اختفى
يعنى الحين اغلب امهات اليوم
تعرف وهى حامل فيها ولد او بنت
بالحظه تبدا معك لحظات امومه عصيبه
تشوفين بعينك الممرضه وهى تشيله وتغسله وتلفه بملابس
تلقين نفسك لا شعوريا ودك تقومين من سريرك
وتقولين شوى شوى عليه لا توجعينه
تلفينه بعينك قبل يدك
وتضمينه بقلبك قبل صدرك
تنسين نفسك والاجهزه المعلقه بيدك
ورجولك المفتوحه وهم يخيطون لك
وتسالين عنه
شلون ولدى!
شلون بنتى !
وتفرحين والاجابه انهم بخير
بعد ماتطلعين غرفتك
ويجبونه لك هنا
لحظات من عالم اغرب واعجب
مستغربه ملامحه
تمسكين يده الصغيره وتبوسينها بدون شعور
تتاملين شعره
تفكرين متى يمشى
متى يضحك
متى يقولك ماما
واذا انتى فيك خبال وهبال
متى يتزوج وتفرحين فيه!
تشمين ريحته
وتتاملين ملامحه
تكونين بحيره
ماتدرين منو يشبه
مختلف الوضع معك
شوى تقولين فيه منى شبه
وشوى تقولين يشبه ابوه
يفتح فمه
يفز قلبك وتتركين اللقمه من يدك وتقولين
اكيد جوعان
تمر عليك لحظات تكرهينه فيها مو كره كره
بس شعور مختلف
اذا نمتى وجاك النوم من تعب وقام يبكى
تقولين يازين حياتى قبل انا م على كيفى
او تقولين
مانى مرتاحه لاانا حامل ولا لما ولدت
اذا عطس تستغربين
واذا كح تخافين
واذا شرق واستفرغ بين يدك تبكين
واذا مارضع يضيق صدرك
واذا ضحك وهونائم تضحكين
شعور الامومه الاولى
ولا اروع
يارب ياكريم يجيكم الشعور كلكم - رفع
مواضيع مشابهة
تابعي تجارب أخرى من هذا القسم.