الوالادت بمستشفى ارامكوا الظهران او فروعه

بنات اكيد ما فيه مرافق للي تسوي عمليه

up

بنات اكيد ما فيه مرافق للي تسوي عمليه

السلام عليكم جميعا ومبارك عليكم الشهر
جزاها الله خير الا فتحت هذا الموضوع

اذكر لكم قصتى مع مستشفى ارامكو من عام 2005م
انا اول ما رحت عند د.نوال باوزير ما شاء الله عليها كويسة بس هي طبيبة عامة، وبعدين حولتنى عند د. سناء تواتي انا مرة ارتحت لها هي اخصائية، بعدين حولتنى عند عيادات العقم د.رفعت ابو ليه (استشارى)، والله لا هو طايقنى ولا انا طايقته، انا كنت اكتب الاسئلة الا ابغاها في ورقة عشان لا انسى واسأله واكتب جواب السؤال... كان هو يتضايق منى يقول انتى كل شي اقوله لك تكتبيه، اظن كان يبغاني حمارة ايش ما يقول اقول طيب ولا يبغاني اسأله ولا يبغاني اكتب المعلومات الا اشوفها مهمة... كنت ادخل معاه احيانا في نقاش طبي علمي كان يقول لي انتى من فين تعرفي كل هذا الكلام انت اكيد تعرفي دكتور .... (وفعلا احد اقاربي دكتور وكنت دايما اسأله عشان كده يبان علي انى فاهمة كويس .. يعنى المفروض الدكتور يفرح لما المريض يكون فاهم)... قلت له انا عندي اعراض تكيس مبايض، قال: نعمل اشعة وحولنى قسم الاشعة المركزية وعملوا ليه اشعة، وقال: ما في تكيس مبايض وخلاني آخذ حبوب الكلوميد عشان تنشيط المبيض ورفض يعطينى المتفورمين عشان تكيس المبايض.... المهم بعد 7 شهور حملت ولما رحت عنده في اول حملي قال لي لازم اكشف طبعا انا رفضت قال اذا ترفضى انا احولك على الطبيبات العامات (يعنى مو اخصائي ولا استشارى) قلت طيب، قام حدفلي موعدى بعد شهرين عشان كان في اجازة حج، المهم بعد الاجازة غيروا موعدي مع دكتور طبعا انا ما رضيت وحولته عند دكتورة ... وانا حامل في الاسبوع 14 صار معايا نزيف ولما رحت الطوارئ طلع كيس جنين بدون جنين.

في الطوارئ دخلت وطلبت دكتورة تكشف علي قالوا مافي حرمة وحطوني امام الامر الواقع وجا الدكتور اجنبي طبعا انا ما خليته يكشف علي... بعدين جا واحد اردني يقول لزوجي انتو المفروض تروحوا العيادات المستعجلة ... وجا هذا الاردني معانا للعيادات المستعجلة قال عشان يورينا الطريق (كإننا ما نعرف) ... وانا كنت امشي على رجلي من الطوارئ الى العيادات المستعجلة والنزيف ينزل وظهري احسه رح ينكسر لدرجة والله كنت امشي راكعة من قوة الالم... ولما دخلت عند الدكتورة عصبت مرة واتصلت على الطوارئ واتضاربت معاهم وقالت لهم الدكتورة مليكة الفرج مناوبة كيف تقولوا لها ما في حرمة، هذه ما تجيبوها في العيادات المستعجلة هذه تروح الطوارئ.... وطلبت اسعاف ارامكو نقلنى إلى الطوارئ..... لقيت الدكتورة مليكة جالسة تنتظرني وكشفت على بطنى ومن تحت وقالت ما في جنين بس كيس والحمد لله انه صار معاك نزيف وقالت نعمل عملية تنظيف رحم ... وجزاها الله خير عملت ليه العملية وعاملتنى كويس.

لما طلعت في التنويم فوق كان معاي زوجي ... لما جا الليل قالوا لزوجي لازم تطلع ... ممنوع المرافق ... انا قلتلهم اذا طلع زوجي انا اطلع وهم مو راضيين اطلع ابدا المهم كلموا الدكتور المناوب قال تطلع على مسؤوليتها لأنها احتمال يصير مضاعفات وتموت ... (يدفشوا الكلام دفش والعياذ بالله) المهم طلعت والحمد لله ارتحت في بيتى. الساعة 2 الظهر سويت العملية والساعة 11:30 في الليل وصلت بيتى.

بعد 6 اسابيع كان عندي مراجعة مع د.مليكة لكن ولدت فحولوني عند د.زكريا المؤمن (شرحتله حالتى واتناقشت معاه وبالعكس مرة اعجب بكلامي وقال يا ريت كل المرضى زيك فاهمين) وهو إلا شاف الاشعة وقال عندك تكيس مبايض والمفروض د. ابوليه ما يعطيك كلوميد يعطيك متفورمين وكتبلى هو د.زكريا المؤمن واستخدمته شهر وبعدها حملت .... والحمد لله جبت ولد بعد حوالي 8 سنوات ... كنت اتابع حملى عند د.جميلة الغامدي (هي استقالت من ارامكو عام 2007م) ... لكن ولدت في المدينة المنورة عند اهلي عشان كنت ابغى مرافق معايا... ولادتي كانت متعبة 6 ساعات والطلق حامي ويحاولوا يولدوني طبيعى لكن ما قدروا ... ضربات الولد صارت قليلة فولدوني قيصري ... وطلع الولد الحبل السري ملفوف حول رقبته ومخنوق ...عملوا له انعاش واكسجين.. والحمد لله على كل حال.... ولدي عنده هرمون زايد:( ..الله يرزق جميع المسلمين الذرية الصالحة السليمة المعافاة من جميع العلل والامراض.

حبيت افيدكم بقصتى زى ما استفدت من قصصكم
وسامحوني طولت عليكم

هلا لولي

الله يبارك فيك ياعمري

انا ولدت بدري لان حامل بتؤام ماشاء الله والرحم ماستحملهم فانفتح من فوق يعني زي صار له تمزق قد 3 سم

وواحد من الاجنه نبض قلبه ضعف...

وعملية مؤمن مادري ياوخيتي الى الان ملزق عليها يقول عشان الجلد ماايحك بالجلد ويلتصق

بس الحمد لله مو تتعب مره العمليه اللي يوجعني عضلات البطن نفسها




انا طلعت قبل رمضان يعني لاصيام ولا شي :(

مشكلتهن النسياااااااااااااااااااااان



أكيد يالغلا

بس في البدايه الممرضات معك لين يشيلون منك القسطره ويسبحونك ويغيرون لك..

اهم شي بعد العمليه امشي اول مايسمحون لك

لاتقولين مااااقدر

انا بنج كامل كنت واللي جنبي نصفي الحمد لله انا مشيت قبلها لانها ماااتبي تمشي تقول يوجع وطلعت الحمد لله قبلها







تسلمين يالغلاعى القصه

بالنسبه لرفعت سبق وحولوني له وجلس يتفلسف على راسي وكان يبي يسوي اشعة صبغه لي


انا طلعت من عنده وراحت عالجت على حسابي وطلع عندي ضعف بس

وخذت كلوميد وحملت الحمد لله

وحتى دكتوره سحر تقول ليه يسوي اشعة صبغه مايحتاج؟