اللي شفته بتخصصي الرياض ماكان هين ابداااا

@alam_alsabrh

السلام عليكم ورحمة الله وبركاته ---
اول شي خواتي عضوات منتدى حواء اهنيكم بشهر الرحمه والغفران
ثانيا --وهذا موضوعي اللي ودي كل وحده فيكم تدخل وتقرا الموضوع
وتتفكر في قضاء الله وقدره وتعرف ان المؤمن مبتلى في نفسه وماله وولده
اخواتي من الله علي بولد والان عمره 3سنوات
ولدي هذا منذ ان خلقه الله وهو عنده ضمور خلقي في العين اليسرى يعني مايشوف بها ابد
والعين اليمنى فيها نقص في تكوينها يعني النظر عنده شبه منعدم
المهم يسر لنا الله وجا له تحويل على تخصصي الرياض للعيون
تحدد يوم العمليه وتنوم ولدي
كان في نفس الغرفه طفلين مع ولدي
واحد منهم اسمه عبدالله والله انكم لو تشووفنه
ماشاء الله لاقوة الابالله يدخل القلب على طول
وام عبدالله ماشاء الله عليها تضيفني قهوه وشاهي
ماشاء الله لاقوة الا بالله امراءه مضيافه متبسمه
سالتها وش فيه ولدك سلامات
قالت وبكل اتزان الله يسلمك بس اكتشفنا قبل كم يوم وحده من عيونه صابها مرض السرطان
وحنا هنا عشان نستاصلها قبل ينتشر السرطان في
راسه
واما الطفل الاخر كان عمره شهور فقط
وكان يعاني من مياه زرقاءشديده في عيونه الثنتين منذ الولاده
والادهى من ذلك ان امه فقدت اخوه الكبير واللي كان وحيدها وهي حامل بهذا الطفل

واما في الغرفة المجاوره --في الليل وبعد مانتهى وقت الزياره
رحنا نسير عليهم ونشوف مريضهم
الولد اسمه محمد كان يومها عمره اربع سنين
كان طفل ذكي ملفت للنظر كان هو الاخر
مصاب في وحده من عيونه بالسرطان
طبعا سووله العمليه واستاصلوه عينه
وينتظرون نتيجة الفحوصات اذا كان السرطان
قد انتشر في راسه اولا
في صباح ذاك اليوم نزل الخبر كالصاعقه
على ام محمد انتشر السرطان في راس محمد
اللي كان مقبل على الحياه بكل حيويه وبراءءة الطفوله
وجا دور مراجعة ولدي
وحنا في السيب ننتظر الدكتور يطلع
اشوف بنت صغيره ممكن عمرها مايزيد عن اربع سنوات
تمشي وهي ماسكه عباة امها
وعيونها الثنتين مضمدينها
وسالت اللي كانت واقفه جنبي
وش فيها هالبنت ---
قالت امس استاصلوا عيونها الثنتين
كان فيها سرطان
هذا حالات مرت علي خلال خمسة ايام
كان ولدي منوم فيها في مستشفى التخصصي بالرياض
طبعا اللي شفته اثر على نفسيتي جدا
ولكن في نفس الوقت حمدت الله كثيرا
لاني في الاخير وجدت حالة ولدي اخف بكثير
ممارايت
واخيرا ياخوات ارجو منكم ان تدعوا لي ولاطفالي

141 تعليق 7,879 مشاهدة

0 0

شاركي في النقاش

سجلي الدخول لإضافة تعليق.

التعليقات

138

  1. @ghlaty_tagy

    الله يشفي أطفالك ويخليهم لك ويبارك لك فيهم ويشفي مرضى المسلمين
    آآآآآآآآآآآآآآآآآآآآآآآآآآآمين يارب
    والحمد لله على نعمه العافيه الله يديمها ويحفظها يارب

  2. @almha_trhb_bkm

    لا حول ولا قوة الا بالله العلي العظيم الله يشفي ولدك وجميع مرضى المسلمين وفعلا من شاف مصيبة غيره هانت عليه مصيبته الله يشافيهم قولو آمين

  3. @aazyz_nfs_7

    الحمد لله الذي عافانا مما ابتلاهم به والله يشفيهم ويوزعنا شكر نعمه . الله يجزاك خير على ها التذكير

  5. @alozyryh

    اااااااااااااااااااااااامين يارب يشفي ابنك وابناء المسلمين
    ويبارك في عيالك وعيالنا وعيال المسلمين ولايرينا فيهم مكروه

تابعي تجارب أخرى من هذا القسم.