اللي كانت تحب وكل بنووته تدخل شوي .. ابي دعائكم

الله يرزقك ماتتمنين عاجلا غير آجل

ويكون خيرا لك في دينك ودنياك

الله يجعله من نصيبك و يكون لك الزوج الصالح

وانا بعد الله يزوجكم كلكم اللي تتمنوه وانتي بعد ياصاحبة الموضوع ترا متابعتك من البدايه ياااااااااااااااااااااارب نبارك لبعض ونبشر بعض يااااااااااااااااااااارب بس لازم نخلص بالدعاء وندعي لبعضنا لان الدعاء بظهر الغيب مستجاااابه ولا ننسى الصدقه بتصدق عني وعنك يارب يحققلنا الي نبي ادعيلي معك بليززززززززززززززززززز نفس حالتك

الله يختار لك الخيره

اول شيء مشكووره ياختي ع الموضوع اللي طرحتيه ..

بس حبيت اوضح لج نقطه ياختي قلووب الناس بين اصبعين الرحمن <<جذيه الجمله اللي اعرفها وان شاءالله ماغلط فيهاا..

يعني الحب لما يدخل بقلبي مهوب انا قلت له ياحب والله تعال وادخل بقلبي وياحب سووى شيء يغضب الله ... اسمعي اختي .. انا حبيته وعشقته والله العالم اكثر منج ومن اي انسان بهالوجوود.. اني ماتمنيت شيء بالحرام وتمنيت هالحب يتوج بالحلال والزواج..لو كنت ادور ع الحب الحراام ..ترى مليااان الاماكن في الخليج وياكثره بين الشباب .. ولو سميتي حبي انه حراام .. ما اظن ياختي اني شفته وقعدت معاه ومسكت يده او بسته او غيرها من الامور اللي حرمهاا ربي .. وحرمهـاا لانه عالم بمصلحه الانسان

الحب اللي مهوب بيد الانسان مهوب معاقب عليه ..ولما انا ادعي ربي انه يرزقني فيه هالشيء مهووب حرام ولا سمعت ان يمكن الدعاء بالشيء اللي نتمنااه حراام...

بسالج سؤال اختي... انتي ع اي اساس حكمتي ان حبي لهالشخص حرااام ؟؟؟؟؟؟ انتي معاي كنتي ؟؟ عيشتي بكل لحضه اعيشهاا؟؟؟

عرفتي شلوون احب هالشخص؟؟؟ ترى ماتعلمين بهالاشياء .. جيتي وكتبي هالحب حرام وينزل غضب الله وغيرره .. انتي عالم بالغيب قوليلي؟؟ ترى الله عالم بحالي وعالم بالنيه اللي بداخلي ولكل امروء مانوى...

وترى يا اختي الفاضله في حديث عن الرسول للمتاحبين .. يقول فيها والمعنى انه ما رى احسن شيء للمتحابين غير النكاااج ...<<يعني اوصى الرسووول اللي يحبون بعض يتزوجووون ولا قال هذا حراام ..

واحد من الصاحبي كان يحب وحدهـ .. يعني لو كان حرام تظنين ان صحابي راح يحب.. تظنين انه الانسان يقدر يمسك نفسه ويقول يانفس لاتحبين هالشيء او يا قلب خلى قلبك حجر...

ترى الانسان ربي خلقه عطووف خلق فيه المشاعر والاحاسيس.... وانتي تقولين ان الحب حراام صح..

طيب هذا اهوو نبي الله مووسى عليه السلام ... حب امراه .. ومهرها كان الحجج التسع اللي طلبهن ابووها منه ..وبعدها تزوجهااا...

يعني هل حرم حب النبي مووسى ؟؟؟؟؟؟؟؟؟؟؟؟؟ لاا..ليش لانه كان نيته طااااااهرره نيته مافيها اي شيء من اللي مملوء بهالزمن.. نيته اهو الزواج منهاااا وطلب يدها من ابووهـاا

انا ما اعرف القصه عدل والله يسامحني ان قلت شيء خطا بس هاللي اعرفــــــه ...


يمكن الشيخ العريفي كان يقصد الحب الحرام اللي يصير بهالزمن لانه معاه حق الحب صار حرام بسبب المقابلات والتلفونات والكلام البذي والووصخ ... الحب صار حرااااام بسبب ان بعضهم واستغفر لله .. انه يستجدون للي يحبووهم.. صح الحب بهالزمن صار حرااام .. لكنه صار لمس وبووساات وغيرها من اموور ورحته مع معاها وغيرهاا من اموور..


لكن هل اللي يحب وحافظ حبه بقلبه ويدعي الله سبحانه كل يوووم ويصلي ويدعي ويلح بالدعاء ويبكي ان الله يجعل هالحب بالحلال ويكون زواااااج... هل هذا حرام؟؟

يعني اللي يطلب الستر بحبه ولا يسووي الحركات الماصخه هل هذا حراام ... يعني حرام الواحد يلجاء لـربه لشيء احبه من كل قلبه وقال ياااااااااااااااااااااااااااااااارب اعطني هالشيء او يااااااااااارب ارزقني بهالفلان لاني ابي حبه لي يكوون تحت رصااك ورحمتك ابيه يكوون تحت مغفرتك وانت راضي علينا ... ابي اكون زوجته واحفظ نفسي عن الحرااااام ... ابي اسعد معاه طول عمري ويكون لي الستر والسند بهالدنيــا

لما الواحد يرفع يده لله ويقووول يااااااااااااااااااااااااااااااارب انا عبدك الضعيف وهذي مشاعري مالي حكم عليهاا حبت فلان يااااارب ارزقني واجعله ستر لـــي يااااااااااااااااارب لا تحرمنيـ... واجعل حبي يكبر بالحلال وحبه لي يكبر بالحلال اجعله يااااااارب ستر لي ..ويكون ابوو عيالي وجنتي اللي تبعدني عن الحرام واكوون له بالمثل


هل ياختي هالشيء واللي يطلب من ربه هالشيء يكوون سووى حراام؟؟؟ او يكون حبه حراام



وبعدين من قال ان حب الغير معناته التعلق بغير الله ... استغفر الله واتووب اليه ... احد يتعلق بغير ربـه .. يعني لو متعلقه بغير ربي هل راح ارووح وامد يدي لله واطلب منه العون والسترر.. هل راااااح ارووح لله واسجد له واقووله يارب لا تغضب علي واستر لي بهالحب وخله بالحلال؟؟؟؟؟؟

ومن قال يابنت الناس ان نحب شيء غير الله ... حب الله بقلووووووبنا عظيم وربي.. والله لا يجعلنا نبعد عنه بيووم .. حب الله كبيرر بداخلنا.. يعني ياختي انتي ماتعلمين رابطي مع ربي؟؟؟ ولا تعلمين شلون علاقتي بربي؟؟؟

شلون تجين وتقوليلي اللي يحب غير الله .. اعوذ بالله ان يصير هالشيء

انا احب ربي واحبه واطلبه اني لما اموووووووت اشووف وجهه الكرريم ولا يحرمني من هالشيء ابد...وهالشي ءدووم ببالي واطلبه من ربي

لكن ربي زرع بداخلنا الحب والمشاعر والالفه والاحساس ... ربي خلى كتله من المشاعر ووضع له ضوابط ... واللي يمشي ع هالضوابط مايخسرر...

يعني لما احب هالشخص وابيه بالحلال لي..مهووب معناته اني حبيت شيء غير ربي.. انتي بهالشي غلطانه....

هالانسان احبه وابيه زوجي وابوو عيالي ... لكن مستحييل ابديه ع عبادتي لربي وغيرها من اموور ...


وادري ان الفراق مكتووب لنا ..كلنا ترى ميتين بهالدنيا محد راح يعيش.. واسال الله انه مايفرقني عن هالشخص ابد واعيش طووووول عمري وهوو زوجي وحبيبي وابو عيالي...

لكن اللي يقوول هالمقووله يا الغلا ترى غلطان .. لان صح راح نفارق بهالدنيا بالموت او غيره .. لكن لابد من الحب يكون بداخلنا وندعي الله انه مايحرمنا من اللي نحبهم... هذا اهوو صح

مانقول عاشر من تعاشر ولابد من الفراق... يعني عادي ارووح واحب واحد صايع واقوول بعدها لابد من الفراق او اني ما ادعي ربي ..واقوول لانه بعدين راح نفترق

هالشيء خطاا.... واكبر خطا ان الانسان يفكر بهالشيء

لازم الواحد يلجا لــربه يدعيه ان يطول بعمر هالشخص وان الله يرزقه فيه ويعيشون مع بعض ومايفرقهم الا المووووت ... لكن قل الناس اللي يدعون الله بهالشيء.... وفقط يمشون ع الامثال...


يا الغلا .. ع جملتج ان الحب نائم وما يقول الا بعد الزواج...

بطلب منج طلب طيب..وياليت تسووينه .. رووحي لقسم الاسرريه وروحي شووفي المشاكل اللي فيهــاا والبلاوي اللي تصير.. طيب وتعالي قوليلي شلون ذيلا تزوجوواا؟؟

طبعا معضهم ماعرفوا الحب قبل الزواج وتزوجوواا.. لكن حياتهم هل اهي سعيده هل مستانسين مع بعض؟؟؟؟ راح تلقين الجواب اهنااك..

وراح تعرفين ان السعاده مهوب مربوطه بالحب قبل الزاوج او بعد الزواج.. السعاده مربوووطه بصلتج مع الــرب وانج تطلبين منه يرزقج السعادهـ ..

ياكثر الناس اللي تزوجوااا بدون مايعرفون بعض وهذ اهم عايشين بجحيم ومشاكل لا يعلمها الا ربي..

وياما ناس حبووا ببعض وتزوجواا.. وما شاء الله تبارك الله حياتهم سعاده ووناسه وكل شيء...

يعني السعاده الواحد يصنعهاا بقرربه من ربه وبفهمــه لطرف الثاني .. وان الطرفين يحاولون يسعدوون بعض...



وما ابي ازيد ع الكلام شيء...



ومشكووره ع المرور الطيب...