ساعدوني....... بتزوج من غير فترة ملكه

@rh_alahsas_f

السلام عليكم
عزيزاتي بنات حواء
ساعدوني
والله انه ضايق صدري حييييييييل
انا لي سنتين مخطوبه
وقبل اسبوع حددو موعد عرسي
بيكون بعد ثمان شهور تقريبا
بس مابملك الا قبل العرس بخمسة ايام
لان هذي عاداتهم
وربي مقهوره لاني راح اكون غير عن باقي بنات عيلتنا
والافضع من كذا
اني
خجووووووووووووووووووووووله :icon33:
استحي من البنات كيف بتعود عليه

احس انهم بيزوجوني زواج صعايده :icon33:

احلى مافي العرس اهي فترة الملكه وكل باقي خواتي تهنو بهالفتره الا انا
بيزوجوني خبط لزق
وياليهم مستعجلين لا ثمان شهور ومافي ملكه
وربي ضايق صدري واحس خواتي مايبون يساعدوني
ابوي موقفه حرج لانه يقول ما اقدر اقولهم سوو ملكه وهم مايبون
شكلها زاجه نكد من البدايه
:icon33:
شورو علي
وان فيها خيره اقنعوني
:icon33:

44 تعليق 3,303 مشاهدة

0 0

شاركي في النقاش

سجلي الدخول لإضافة تعليق.

التعليقات

41

  1. @simplicity

    السلام عليكم..

    استغفري ربك يااختي وتوكلي على ربك وعليك بالدعاء..

    يعني كل اللي ملكوا واتهنوا بملكتهم على قولك توفقوا بحياتهم!!!!!

    مثل ماقلت لك خلي عنك الوساوس وادهري بالدعاء..

    تحياتي

  2. @aml_alksym

    بالعكس احسن لك

    انتي ماتضمنين عمرك ولا عمر رجال لا قدر الله

    تخيلي تملكتي وصار عليه شي لا سمح الله بتصيرين ارمله او صار بينكم خلاف تصيرين مطلقه وهو مادخل عليك يعني يجي احد ثاني يخطبك يكتبون في العقد انك ثيب ولو انك بنت
    انت ما اتفاول عليك بالعكس بس احسن لك

    واحلى مافي ليله الزواج حياء العروووس وارتباك العريس

    يعني اذا صرتو شايفين بعض او مكلمين بعض بالجوال حلات ليلة الزواج بيروووووووووح وماعاد لها طعم
    والله احسن لك والله اقولها لك من قلب

  3. @am_hmd_alktry

    الحبيبه الف مبروك مقدما وما احلا عاداتكم واحنا مثلكم ولكن هذه الايام الناس صارت تملك قبل وصارت الطلاقات بكثره يتملل منها على اي سبب واخويتي هذي السنه انا بنا تي ما رضيت بالملكه قبل خوفا عليهم ولمصلحتهم فا احمدي الله على فضله وجوده وكرمه في هذه الفتره تعلمي تكوني ست بيت الله يوفقك

  4. السلام عليكم..

    استغفري ربك يااختي وتوكلي على ربك وعليك بالدعاء..

    يعني كل اللي ملكوا واتهنوا بملكتهم على قولك توفقوا بحياتهم!!!!!

    مثل ماقلت لك خلي عنك الوساوس وادهري بالدعاء..

    تحياتي

  5. @al_aadyl_roh

    افضل لك حتى يكون متشوق لك يوم العرس ويبغى يعرف من هذي الي تزوجهى وتتزوج وانتو لسه صفحه بيضاء

    شوفي قسم الحياه الزوجيه مشاكل المتملكيه والمخطوبات اكثر من المتزوجين وكله بسبب مكالمة التلفون ومايجي العرس الا وهو زهق منها وزهقت منه

تابعي تجارب أخرى من هذا القسم.