اتوسط لهااا ولا لااا شوروا علي ؟؟؟

السلام عليكم ورحمة الله وبركاته :)

مبارك عليكم الشهر خواتي :26:

بدخل بالموضوع ع طوول.. امس امي قالتلي ان جارتنا موصيتها توصيني اتوسط لبنتها علشان تشتغل معاي بنفس الوزارة الي اشتغل فيها.. وبنتها اصغر مني بسنتين.. بس للأسف مطلقة و توها ا 21 و عندها بنت و ولد.. يعني وضعها صعب شوي.. انا ودي والله اساعدها و اكسب فيها اجر.. بس خايفة تجيني مشاكل من وره هالسالفة في شغلي.. يعني اخاف البنت ما يعجبهم شغلها ولا تصرفاتها واكون انا بوجه المدفع.. وخاصة اني انحطيت بهالموقف من قبل .. من وحدة من زميلاتي من ايام الجامعة توظفت معاي بنفس الوقت.. وكنا ع طول بالدوام مع بعض.. بس هي صارتلها مشكلة بالدوام وطلعت بعد ما بردت قلبها بالمسؤول.. ومن يومها قالت لي السكرتيرة اي هذي صديقتج الله يهداها شسوت ومن هالسوالف.. وانا ما صار لي سنة متوظفة.. وتوني بديت اثبت نفسي بجد.. وما ودي بشي يخرب كل الي بنيته.. يعني ابي اساعدها بس ما اضمن انها تعجبهم واخاف اتحسف عقب .. مع العلم اني اذا توسطتها احتمال يقبلون يوظفونها .. يعني مو اكيد بتتوظف.. بس بحاول بحكم علاقتي الطيبة مع مسؤولي.. شوووروا علي شسوي وراح اخذ براي الاغلبية ان شاء الله

11 تعليق 981 مشاهدة

شاركي في النقاش

سجلي الدخول لإضافة تعليق.

التعليقات

11
  1. @am_god_ogmanh

    انتي حاولي واحتسبي الاجر
    ومادام هذي ظروفها اكيد بتكون محتاجه الوظيفه وبتتمسك فيها
    وقبل كل شي كلميها وعلميها طبيعة عملكم وانها اذا توظفت ماتتهاون او تقصر بشي
    والله يكتب لك الاجر
  2. توكلي على الله وتوسطي لها تكسبين فيها اجر وفي عيالها اللي يمكن تصرف عليهم

    ودعي ربك اذا هي بتبيض وجهك انها تنقبل واذا هي بتفشلك ما يقبلونها
  3. @sweet_feeling

    ماينفع تتوسطي لي انا :42:

    ياقلبي توكلي على الله وتوسطي للبنت واجرك من الله

    اليوم تفكي كربة عن مسلم بكرة يجي من يفك لك كربة
  4. @taagbny_atbaaay

    جزاك الله خير على مساعدتها
    انا من رايي خلهم يحطونها تحت التجربه يعني يشوفون اخلاقها وسلوكياتها وشغلها
    اذا اعجبتهم زين على زين واذا مااعجبتهم تكوني انتي سويتي اللي عليك

    بالتوووفيق

تابعي تجارب أخرى من هذا القسم.