أجمل ذكريات مرت علي يوم كنت صغيرة وكنا مسافرين احنا وخوالي وجلسنا في بيت جداني
وكان مرة صغير وما يكفينا ويوم نمنا جلسنا نتشاجر على المخدات الزينة والبطانيات والشراشف
وكنا مسوين معركة بس كانت مررره وناسة وآخرتها دخل جدي علينا وكل وحدة فوق الثانية وفي
الظلمة بعد عاد جدي الله يذكره بالخير جلس يهاوشنا ويقول وش تسون <<< شك بأخلاقنا الله
يسامحه <<< قلبتها قصة مأساوية خ خ خ خ
ومره من المرات كنا رايحين للبر أحنا وخوالي وفرشنا فرشتين فرشة للحريم وفرشة للرجال
والحريم كل وحدة ومعها عيالها وأطفالها .. المهم الا وجمل كبير ورانا ودخل راسه بينا عاد أنا
من الفرقة الانقاذية صارخت بأعلى صوتي انادي خوالي وأبوي ( الله يرحمه ) عاد هم على بالهم
حنش ولا عقرب جو يركضون والحريم يصيحون معنا عاد كل واحد من خوالي يهاوش مرته
ويقول تغطي .. أشكالهم تهبل والمشكلة ما بقى احد على الفرشة الا أنا << قالت من
الفرقة الانقاذية يبغالها أحد ينقذها ..
الله يسعدك يا أصداف الأمل ذكرتيني بالأيام الحلوة ...
وسلامي للكل
ومع خالص تحياتي ..:)
تفضلوااااابنوتااات سؤال لكم
متابعة النقاش، صفحة 3