بعد معناه طويله شوفوا ايش اكتشفت

السلام عليكم ورحمة الله وبركاته
كيف حلكم ياحلوات...هذا رابط موضوع كتبته من فتره وتقدروا تطلعوا عليه بعدين شوفوا ايش اكتشفت
http://forum.hawaaworld.com/showthread.php?t=1823393&highlight=%DA%D2%CA%ED+%C7%D3%E1%C7%E3%ED

طبعا كنت اشتكي من المشاكل ومن تعامل امي واختي معايا في البيت...غير الضيق الشديد اللي ما يعلم بيه الا الله
ومشاكل كتير ما ابغى ادوشكم بيها..المهم

طبعا انا كنت مداومه على الاذكار على طول بس قبل فتره ركزت على سورة البقره يوميا وأقرءها آخر الليل
وكمان ممكن أقرءها اكثر من مرة في اليوم...من الضيق اللي فيه كنت حاطة حرتي في قراءة القرآن
اقرا القران الين ما اتعب وانام واصحي اكمله الين ما اتعب وانام وهكذا...
سبحان الله بعد 3 أسابيع تقريبا من هذه الحركة شفت رؤية وفسرتها لي وحده جزاها الله خير
بأني أعاني من حسد واني سأشفى بإذن الله
وأن الله حماني من كيد وشر من حولي...يعني كانت ممكن تحصلي مصيبة وربنا بكرمه ورحمته حماني...
وطبعا الكل عارف ان العين غير الحسد
العين تكون بسبب ان احد شافك وعجبتيه واعطاك عين في وقتها واعراضها تبان بسهوله
اما الحسد فهو تمني زوال نعمة الغير والمداومه على ذلك يعني تكوني في بيتك ويكون احد مايشوفك لكن حاسدك وحاقد على نعمة عندك ويتمنى تزول منك..ومشكلتها ان علاجها صعب بسبب ان الاعراض ما تبان لك وما تقدري تميزيها..
انا كنت عارفة ان اللي حولي حاسديني.. لكن عمري ما كنت اتصور ان بعض الناس اذاهم يوصل لأنهم يحاولوا يدمروا غيرهم لمجرد ان ربنا اعطاه هبه(سواء دين او اخلاق او ثقافة)

يابنات ما ابغاكم توسوسوا...بس كل وحده حاسة انها متأخره بالزواج او عندها مشاكل مالها سبب معين...
تقوم الليل بسورة البقرة...
انا الحسد كان عاملي مشاكل كتير بحياتي...وربنا نجاني من مصايب كان ممكن تحصل بسبب هذا الحسد
امكن كلامي ما يكون مرتب ...بس حبيت انصحكم وخاصة كتير بنات زيي عايشين بأمان الله وغيرهم يطعنهم في الظهر وحاقد على النعمة اللي ربنا اعطها لهم... سواء جمال او علم او اخلاق او حتى دين
حسبي الله ونعم الوكيل على كل حاسد وحاقد...حتى الاخلاق والدين في هذا الزمن صاروا حسدوا عليه

يابنات اي وحده تعبانه تداوم على قيام الليل بسوره البقرة وتدعي بعدها...وبعد فترة حينكشف اذا كان فيها شئ
انا لولا فضل الله ورحمته ماكنت عرفت اللي فيه ..لأني كنت اقرأ الرقية واسمعها وما احس بشي وقرءة سورة الصافات وما حسيت بشي..

آسفة اني طولت عليكم...وما ابغى منكم غير انكم تستفيدوا من تجربتي
والله يسعد ويوفق كل وحده تدعيلي بالشفاء والزوج الصالح الي يعينني وأعينه على أمور الدين والدنيا ولو دعوه بظهر الغيب..