هذا ماحصل في مسجد الشيخ عادل الكلباني معقول فيه ناس كذا

السلام عليكم ورحمة الله وبركاته

هلا خواتي


والله ياخواتي اني مقهوره من اللي صار وهذا اللي خلاني اكتب من حرتي

السالفه انه يوم الجمعه اللي راحت صلت امي بالمسجد الكلباني لانه جنبي وانا ذاك اليوم مارحت لان زوجي كان موجود بالبيت وكنت اروح قبل كذا بس ذاك اليوم مارحت ولا اللي قبله الخميس
المهم

خذيت امي ورجعت بيتي ورحت من بكره اللي هو امس السبت الا بعد ماصلينا وقبل الشفع والوتر الا الشيخ يتكلم

يقول حرمه صلت معهم الفجر واخذت رقم المؤذن وكلمته وقالت ابي اسالك اللي يصلون الحريم هل هم مسلمات والا يهوديات :44: استغرب سؤاله وقال شف المسجد حق الحريم وش صاير فيه وراح شافه وماصدق وبلغ الشيخ الكلباني باللي صار ويقول الشيخ ورحت اشوفه عقب صلاة الظهر

تخيلو يابنات وش صاير بس

وانا مستغربه اقول ليه وانا اصلي تحت اشوف الفرش بارد وفيه مويه ورقيت فوق وبرؤضه لقيت تقريبا نص مصلى النساء محد يصلي فيه وسكت وصليت

اثاري وحده مدري وش اقول عنا الله يسامحها والا الله ياخذها والا الله يشل يديها والا اقول هذي شيعيه والا وشو بس

يقول الشيخ ان الثريا لقاها مكسوره
وترى الثريات اللي فيها موب اي ثريات تعالو شوفوها بس لااله الا الله ماشاء الله تجنن وواضح انها مكلف مره على باني المسجد
والا الارض يقول كابه المويه ولا موب اي مويه مويه زمزم حسبي الله بالرض وعلى الفرش فوق وتحت وتخيلو اصوات واصله للرجال مرتفعه الله لاتخزينا بس

من جد انقهرت ويوم نزلت ابي اشوف الثريا وكان وقتها فيه محاضره داعيه واناظر الا قهر مكسوره الله يكسر يدهم

من جد ويحلف الشيخ ان الفرش هذا بس حق المسجد انه مكلف صاحبه مليون وميتين الف 1,200000 وهذي حضرتها جات وحاست المسجد الله يحوسها

يقول جايبينه من ايران طلبيه خاص للمسجد من افخر انواع السجاد الايراني عشان راحت المصلين واللحين المويه شفطته وش بينشفه السجاد مره ماشاء الله يجنن وواضحخ انه مكلف ونص المسجد مخمور مويه ولا مويه زمزم لاعبه فيها



وتدرون وش السبب هوشتها كله عشان تبي تدخل بزرها جايبته معها عشان تزعج الناس وتصجهم

يقول الشيخ الاطفال مكانهم البيوت موب بالمسجد وهو صادق الناس جايه تصلي موب ازعاج بزران رايحه جايه وصياح يخلف المصلين


بالله وش رايكم والله انقهرت قهرررررررررررر ودي اني شافتها كان جلدتها جلد بس ابطلعها برى بالشارع اول بعدين اهبدها هبددد


يوم سالت امي الا تقول انا تحت صليت واسمع صراخ فوق ماتدري حبيبتي وش اللسالفه


بالله هذي وش تسمونها اللي سوت كذا ولا برمضان وبيت ربي الله يبت راسها:mad:استغفر الله

134 تعليق 14,142 مشاهدة

شاركي في النقاش

سجلي الدخول لإضافة تعليق.

التعليقات

130
  1. ياختي احنا النساء مانروح الا بها الشهر الفضيل للصلاة في المسجد في بيت الله مع ان صلاة المراءه في بيتها افضل ولكن

    ووالله اني اتمنى وانتظرواتشوق للصلاة خلف الاماام لما لها من خشوع وروحانيه وووامور جميعنا نعلمها

    ولكن !! بعض النساء هداهن الله تلقينها جايه ومعها جيش من البزران واللي ماغير مراكض بين الحريم

    حتى وانا ساجده واحد وطى على راسي امس تخيلي وانا ساجده ! ولا بعضهم جايبه معاها ماشاء الله

    اربع اوخمس بنات طيب بالعكس هذا شي حلو انها تعلمهم ولكن ليش ما حرصتيهم ووصيتيهم بالبيت بالتزام الهدوء

    وعدم ازعاج المصليات بالكلام والهذر والضحك اللي ماله داعي والله يا اختي ان الخشوع والروحانيه تذهب

    مع كل هذا ومانقول الا الله يعنينا ياربي على صيامه وقيامه وهذي اللي خربت المسجد الله لايوفقها ويعطيها على قد نيتها

    ولوكان في قلبها ذره من الخوف من الله كا ن ما سوت كذا
  2. الله يهديها


    ولايكثر من امثالهم

    اليوم بصلي عجززززززززززززززززت
    من البزران

    والصجه

    والريحه

    الله يرحمنا برحمته

تابعي تجارب أخرى من هذا القسم.