يابنات و**** ادعيلها الي تساعدني بمشكلة ولدي

ولدي عمرة الان سنتين و8 شهور والحمدللة سليم وانا قبل العطلة كنت حاطتة بالروضة بس الحين قاعد عشان الاجازة الحين عمتة جات عندنا من الرياض وبتجلس 4شهور واحنا ساكنين بعمارة وحدة شقتي مقابلة لهم عندها ولد بنفس عمر ولدي عنده توحد كل شوي يضرب راسة بالجدار اذ زعل او بالسراميك ويضرب الصغار والكبار بس تعتبر درجة التوحد متوسطة المهم كل شوي يطلبوا ولدي عشان يلعب مع ولدهم ولدي صار يقلدة في حركاتة كل مازعل يضرب راسة ويمد يدة والحين ماعاد ابغى ولدي يحتك فيه نهائيا" بس مااقدر امنع ولدي مايروح لانه بيزعلون مرة وكمان مااقدر اقولهم ولدي ياخذ طباع ولدكم وحتى لو زوجي كلمهم بتوقع في راسي وبيقلو انا حرشته.
تكفوووووووووووووووون ابغى حل ولدي كلماله يزيد حالة

10 تعليق 643 مشاهدة

شاركي في النقاش

سجلي الدخول لإضافة تعليق.

التعليقات

9
  1. @baadyn_bktb_asmy

    اختي اكيد هالموضوع حساس بالنسبة لاخت زوجك يعني حرام تحسسونها بان ولدها غير مرغوب فيه لانها بدون شي حاسة بوضعه وانه مو مثل الاطفال الطبيعيين فلا تزيدون عليها
    انا برايي هي كلها كم شهر وبتروح عنكم فخلكم متعاونين مع وضعها ومن غير شي هي مهمومة عشان ولدها فيه توحد فلو بتكلمونها باي شي يخصه راح يحز في نفسها ولو ما بينت

    احتسبي الاجر واستني كم شهر والله يسهل عليكم ويشفي ولدها يارب ياكريم
  2. اختي ولدك يسوي هالحركات مجرد تقليد وان شالله فتره وتعدي يعني ماراح يستمر على هالحركات واذا سواها حاولو تسفهونه ومع الوقت بينساها اذا شافكم ماهتميتو له
  3. @thered_rose

    صاحبة الموضوع
    مسكين ولدي طول يومي وانا اهزى فية واحيانا من قهري اضربه واقولة لاعاد تسويها وبرضو يعاندني ويسويها مايستوعب وحتى اهلي والناس استغربو حركاتة عشان كذا ماعاد اتحمل
  4. @haneen_5

    انا اقول احتسبي الاجر...لا تنسين ان قلبها يتقطع وهي تشوف ولدك سليم وولدها تعبان وودها تحس ان ولدها طبيعي ...اصبري كلها كم شهر

تابعي تجارب أخرى من هذا القسم.