مشكلتى غير مع زوجي و بنته

السلام عليكم و رحمة الله و بركاته،

انا متزوجه و زوجي مطلق عنده اولاد، من فتره جاب بنته عمرها عشر سنين بعد ما تهاوشت و يا امها و تقول ما ابي اقعد عند امي.
المهم انا عادي ما ابديت اي اعتراض و معاملتي عاديه يعني رسمي لاني اخاف اقرب و يقولون سوت و فعلت مرت ابوها. البنت فيها حاله ( او دلع مادري) لازقه في ابوها على طول، و مو مخليته يروح دوام و لا صلاته في المسجد تقعد تبكي و تصيح. و حتى النومه عندي ما عاد ينام لازم تنام معاه و عيالي غاروا منها فقاموا ينامون معاهم و انا بالغرفه بروحي.
هو يقول انتي تكرهين بنتي و انا اقول له انا لا اكرهها و لا احبهها ، ما اعرفها و لا انا من النوعيه اللى تلم بالجهال و تبوس فيهم ، يعني ما عندي حنان فايض.
وهذا طبعا مسبب بيننا مشاكل هو متضايق من اسلوبي لاني متجنبه الاحتكاك الزايد و انا ما ابي مشاكل معاها و امها شريه.
و الام دازه له مسج تقول له ان الحضانه عندها و ان في اي وقت تقدر تاخذها بس مخليتها علشان تزعجني و تزعجه.

مادري شسوي انا متضايقه من كثر ما يقول لي انتى تكرهين بنتي و منتي حنونه، و انا و غيري شايفين انها تتدلع و تسوي هالحركات علشان تطفشني.

64 تعليق 6,709 مشاهدة

شاركي في النقاش

سجلي الدخول لإضافة تعليق.

التعليقات

59
  1. @alaaod_almnthor

    ما اظن ان حركاتها متعمده 10 سنوات هاي طفله مو مراهقه
    يمكن امها مدخله افكار معينه في بالها ان انتى سبب المشاكل وان انتى بتاخذين ابوها منها
    ومهما كان انتى لازم ما تقولين لزوجج انج ماتحبينها صحيح انج ما تكرهينها بس كل الاطفال حتى الاشقياء منهم ينحبون وهالشي في نظره مش طبيعي وبيفسره انه كره
    حاولي تتقربين منها اشتريلها حلاوة والعاب والعبي معاها هي وعيالج هالسن اخر فرصه تكسبينها وترا ان كسبتي حبها بتكسبين حب زوجج اكثر, اذا كبرت وصارت مراهقه ترا الوضع بيتعقد وانتى ما بتخسرين شي لان شكلها ما بطول عندكم مسيرها ترجع لامها
  2. نصيحه اعتبريها مثل بنتك لانها طفله مسكينه مالها ذنب بأمها ,واي حاجه تعمليها تحصلين نتايجها في المستقبل فالدنيا سلف ودين.

تابعي تجارب أخرى من هذا القسم.