بنتي عمرها ثلاث سنوات وما تاكل لحالها

@danh_aabs

اهلين كيفكم
ودي اسالكم انا عندي بنت عمرها ثلاث سنوات ولحد الان ماتاكل لحالها مادري عيالكم كذا ولالا واناعندي ولد اصغر منها واذا جلسنا على الوجبه ماعرف من اعطي والمشكله لو اخليها تاكل لحالها ماتاكل زين ماحسها تشبع وتكب الاكل على الارض مادري متى علمتوا عيالكم ياكلون لحالهم ومشكورين

9 تعليق 3,662 مشاهدة

0 0

شاركي في النقاش

سجلي الدخول لإضافة تعليق.

التعليقات

8

  1. @bskot_farlyz

    هو على التعويد اختي انا من يوم يكملون سنه احط الأكل قدامهم واخليهم ياكلون براحتهم افرش سماط واقعدهم وسطه ويكببون على راحتهم لين يتعودون والحمدلله صارو يعتمدون على انفسهم وهم صغار

  2. @mn_ly_ghyrk

    نفس المشكله مع تؤامي سنتين و7 شهور واحد ابد لازم انا ولا الخدامه والثاني بديت اعلمه بيده عشان الخدامه بتروح

    المشكله لالالالالازم ملعقه مايعرفون بيدهم واحسهم مايكلون صح

    بس احاول انا اساعدهم بعد بالتشجيع

  4. @am_aamar_99

    والله ياقلبي الغلط فينا يالأمهات
    عندي ولد عمره 3 سنوات وثمان شهور ولايعرف ياكل لوحده
    تخيلي حتى الساندوتش اذا سويت له لازم اقعد معاه واعطيه لقمه لقمه لحد ما يخلصها
    وانا اللي امسك له كوب الحليب واشربه بنفسي
    والمشكله انا الحين حامل في السابع واذا جاء الطفل الجديد ابتلشت اكثر
    والبارح عمتي ام زوجي لما شافتني أأكله اعطتني محاضره ايش طولها تقول عوديه قبل تولدين علشان ما تصدمينه بعدين وتتركينه فجأه ياكل بنفسه
    عيال اختي بسم الله عليهم خلتهم من عمر سنتين ياكلون بيديهم وتعودوا بسرعه وولدي بنفس عمرهم
    علشان كذا حاولي تبدأين تخصصين لها صحن وملعقه وتحببينها بالأكل بيدها
    هذا اللي نويته مع ولدي
    الله يحفظهم ويصلحهم

  5. @lips9

    ولدي عمره سنتين

    بس للحين مايعرف ياكل لحاله بالملعقه

    يعرف ياكل ساندوتش او يشرب العصير من الكاس الي فيه استرو

    ناويه اعوده ياكل بالملعقه هالفتره

تابعي تجارب أخرى من هذا القسم.