مظاليم / روحتي للصناعات كانت سريعة والنفسية مهيب بالحيل ذاك اليوم فمادققت .. هو فيه اكسسوارات كثيرة بالهبل لكن هندي مو متأكدة .. الي متأكدة منه انه فيه مصري اكسسوار وجلابيات , وفيه محل لبس ياباني أو صيني ( سعيد أخو مبارك )!! وانتي روحي وعايني بنفسك..
وردة / فيه محل خدمات للطالبة جديد , فيه خدمة نسائية 100% , شايفته من برى ما دخلته جربي روحي وشوفي عنهم .. مكانه يالغالية : وأنتي في شارع المشاغل في الصفراء تتجهين شمال لما يصكك حرف T ( بسم الله عليك )!! روحي يمين وطولي , قبل ما ينتهي الشارع يجيك المحل على اليسار عليه لوحة كبيرة ( مركز خدمات الطالبة ) , لو تعديتيه بتدخلين في شارع النخيل بلازا .. وإذا تبين نصيحتى اعتمدي على نفسك واثبتي جدارتك وقولي أنا لها وسويه بنفسك !!
إيه تذكرت هاك المدة الي بس أتحقرص وما أقدر أسألكم عن شي .. توي أفطن أطلب :
مظاليم تكفين أبي نسخة من دليل أرقامك للزنقات ( بتاع كلللله شغالات سواقين صبابين حنا كوافيرات .... ) على الخاص لو ما عليك كلافة .. وشكرا لإعجابك بموضوعي الحيل الذكية في الحياة الزوجية .. تراي أدوره من مدة وما لقيته وسويت بحث وما طلع لي / كيف طلعتيه أنتي أبيه بكلمة راس!!!
مظاليم / ودي انك تتخيلين إن القصيميات اجتمعن في ملاهي الأسرة مثل ما اجتمعن في موضوعك هنا .. وش تتوقعين تكون النتيجة ؟؟ أو ما هو تصورك للأسماء المستعارة المجتمعة هنا؟؟؟ ( خلونا نفرفش شوي ) ( بصراحة دخلت الفكرة مخي ليه ما نجتمع)؟؟؟